Hulanda a confirma cu ni Aruba ni Corsou a firma e acuerdo pa refinanciamento

DEN HAAG – For di department di relacion di Reino\ di Hulanda diaranson anochi, ora di Hulanda,  a confirma na noticiacla cu Aruba ni Corsou a firma e acuerdo di prestamo pa refinanciamento di Covid19, mientras cu St Maarten si a haci esaki. “Ta berdad, Aruba y Corsou ainda no a firma. St Maarten si” tabata e contesta ora cu tabatin 10’or ora di Hulanda. “Si tin cambio despues, lo avisa” tabata e mensahe cu e portal aki a ricibi diaranson atardi for di Hulanda. Awe tabata e deadline pa Aruba cumpli cu e pago di e debe di mas di 900 miyon florin di Covid. Pero como cu Hulanda a duna Aruba e chens pa refinancia, esaki tabata condiciona na un acuerdo cu mester a keda firma mas tarda awe mainta. Si no tin firma pa un refinanciamento, e ora Aruba y Corsou mester paga e debe den un solo tiro, cu ta algo cu ningun di dos pais por haci realmente. Kico esaki ta nifica aworaki, ta bira conoci diahuebs ora cu Hulanda reaciona. 

REACCION PROME MINISTER

For di prome minister di Aruba Evelyn Wever Croes, e la reacciona for di trempan riba e hecho cu Aruba y Hulanda no por a yega na otroi ainda otro ainda pa loke ta e interes abou riba e debe di Covid. Segun Wever Croes, e ta basa su mes riba e disertacion di e professor Nicolai den Eerste Kamer riba e tema aki. E professor a bisa cu Hulanda ta castigando Aruba envez di yuda. Y segun Wever Croes, e professor a usa palabra fuerte den su disertacion contra Hulanda. Cu esaki e ta mustra cu esaki por ta e motibo pa cual Aruba lo a opta pa no firma. RIba e pregunta directo di e portal aki na e prome mandatario, e no a contesta ainda. 

CONSECUENCIA DI NO FIRMAE consecuencia di cu Aruba (y Corsou) no a firma awe, no ta conoci ainda. BZK a keda di informa e portal aki diahuebs kico e consecuencianan por ta y si ainda Aruba a logra firma toch, si esaki tabata posibel anto.