Mal tempo diahuebs anochi a laga diferente area keda sin coriente

ORANJESTAD – Diahuebs anochi e compania di electricidad ELMAR a informa cu debi na lamper (bliksem inslag), nan tabata   confrontando problema den distribucion di coriente den diferente area rond di nos isla. “Nos tecniconan ta trahando duro cu diferente ploeg rond di nos isla eherciendo nan trabou cu maximo precaucion pa garantisa seguridad di cada un, pa asina por cuminsa reestablece suministro di coriente mas pronto cu ta posibel” e compania a informa. Esaki tabata den parti di diferente areanan: 

- Calbas, Moko, Tanki Leendert, Catiri, Kudawecha, Tanki Flip

- Pos Abou, Bubali. 

E prome parti cu a haya coriente bek, tabata Tanki Flip, despues di mei ora cu a raporta e problema di suministro inicialmente.