Algun Venezolano na Aruba lo a yuda paga pa nan famia yega nos isla ilegalmente

FALCON/ORANJESTAD – Varios di e 66 Venezolanonan cu a keda deteni recientemente ora cu nan a purba drenta Aruba ilegalmente, a haya ayudo financiero di nan famianan ya bibando na Aruba. Asina algun portal di noticia na Venezuela a raporta E famianan aki tabata yuda financia e biahe pa nan por a haci e trip pa Aruba. Asina medionan Venezolano ta raporta. E total di 66 Venezolano cu a keda gara na Aruba den un intento pa drenta e isla illegal recientemente, tabata desespera di e situaicion di bida na unda cu nan tabata biba na Venezuela. Asina prensa Venezolano ta raporta e siman aki. Ta trata di dos grupo di 28 y 38 persona respectivamente cu den un periodo di 5 dia a yega Aruba pero a wordo gara na nan yegada. Tur dos grupo a Sali for di e peninsula di Paraguana (estado Falcon), sin documentacion. 

DESESPERA 

E medida di desesperacion cu e Falconianonan a tuma, ta debi cu nan ta sufriendo di e crisis humanitario cu tin na Venezuela, loke a pone cu hopi hoben incluso tata di famia a cuminsa busca alternativa otro pa mehora nan condicion di bida, y ta bin purba nan suerte na Aruba. 

E BIAHE

E embarcacion no tabatin registro, y a wordo gara net prome cu a yega Aruba. Esnan cu a biaha nan so, mester a paga 600 dollar pa nan biahe mientras cu esnan cu a bin acompaña tabata paga 500 dollar (manera noticiacla a raporta den un otro caso caba). Pa por a cera e cen, e hombernan tabata bende nan auto of motorcicleta. Algun tambe tabata haya ayudo financiero di nan familiarnan cu ya ta biba na Aruba. Algo hopi interesante y no ta conoci si e familiarnan cu tin na Aruba, ta illegal tambe of ta bibando di un forma legal. E planificacion di e biahenan aki tabata dura por lo menos 4 siman, y esnan cu tabata organisa e biahenan aki, tabata cambia e fechanan aki constantemente intencionalmente pa evita cu e informacion por a filtra y cu nan por a keda deteni hasta prome cu e biahe tuma lugar, na Venezuela.