Van Huffelen a cancela su bishita pa Bonaire y ta bolbe Hulanda awe mes!

WILLEMSTAD – Secretario di estado Hulandes Alexandra van Huffelen a cancela su bishita pa Bonaire, y ta bolbe Hulanda pues un dia mas tempran cu planea. Su vocero a confirma esaki diaranson for di Corsou pa Noticiacla. “ Enberdad e no ta bay (Bonaire) mas, pasobra Eilandsraad no tabata cla pa e combersacion” e vocero a bisa. Noticiacla a compronde di otro banda tambe cu Eilandsraad lo tabata cla pa confront’e cu critica riba algun tema. Eilandsraad lo tabata kier pa declara cierto temanan controversial. Bek pa e vocero, e la confirma tambe cu e regreso urgente ta debi cu e mester atende e Ministerraad di diabierna tambe. Y si e la biaha mayan, e lo no a yega na tempo pa e reunion.  E potret ta di e bishita awe mainta di e secretario di estado, na e bario Zwaan na Corsou.