KLM ta inclui aeropuerto di Corsou pa prueba piloto pa embarca nan buelon mas prome

SCHIPHOL – KLM ta inicia 11 di October cu un prueba ‘piloto’ riba algun aeropuerto internacional, incluyendo esun di Corsou, pa por check in mas prome pa nan buelo. “Nos tin señal cu primordialmente riba e avion Boeing 777-300ER, e 30 minuut pa embarca pa e buelo, ta mucho cortico”, KLM ta laga sa. E intencion ta pa cuminsa cu e proceso di embarca, cu 10 minuut mas prome, esta 40 minuut envez di 30 minuut. E prueba ta wordo haci riba aeropuertonan di Corsou, Accra, Johannesburg, Kaapstad, Atlanta, Vancouver, Singapore, Bali y Jakarta.

EVALUA

KLM lo evalua e resultadonan fin di e aña aki y e ora ta dicidi si e cambio lo resulta mas efectivo pa loke ta e proceso di embarca. Si esey ta e caso, lo mira si e cambio aki cu otro tipo di buelo por wordo proba y of ehecuta.