SETAR: Problema cu netwerk di telefon mobil a sigui awe dialuna

ORANJESTAD – E problema cu servicio cellular di SETAR NV ta continua dialuna mainta. E compania di telecomunicacion SETAR NV dialuna mainta a confirma na noticiacla.com cu nan ta sigui confronta problema cu nan netwerk di telefon mobiel, cu a inicia for di diadomingo atardi. “Esaki ta conta pa ambos voice y data”, e comunicado ta sigui bisa. 

“Di ayera tardi nos tin tur suppliers y nan expertonan internacional envolvi pa resolve e problema” SETAR ta sigui bisa. Ademas, nan ta confirma cu e ta un problema serio. “E ta un problema compleho cu ta tuma su tempo pa resolve” SETAR ta sigui bisa. Na final, nan a pidi disculpa pa e inconveniencia y a sigura di lo actualisa di e situacion cada ora. “Nos ta gradici nos clientenan pa nan pasenshi” e comunicado ta sigui bisa.