DOW: Ta habri caminda bek na Palm Beach fin di October!

PALM BEACH – DOW a anuncia diaranson cu e proyecto di pasada di awacero, esta Regen Water Afvoer na Palm Beach ta keda completa awor pa fin di October. Por lo menos, esaki ta nan pensamento. Un proyecto cu mester a keda cla algun luna pasa pero a conoce un retraso gigantesco. 

CONTRATISTA 

Segun DOW, actualmente e contratista ta bezig cu e ‘wapening’ di e supervloer cu ta bin riba e duiker. Diabierna awor lo basha esaki cu concrete. Otro siman ta cuminsa cu e trabounan di preparacion den e bermnan, pa pone e kabelnan di utilidatnan bek nan na lugar y pa despues cera e berm nan.

Ta premira cu e siman despues e concrete a cura y asina nan cuminsa cu e trabounan di e caminda, pa e por wordo yena y despues nos asfalta e caminda. “Pa fin di oktober nos por habri e caminda” DOW a bisa finalmente.