- Turista ta bira di 9 morto di trafico di Aruba
- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
Bucuti & Tara Beach Resort a Celebra Housekeeping Week cu Premionan y Reconocementonan Special
(ADVERTORIAL)
EAGLE BEACH - Bucuti & Tara Beach Resort, vota como e #1 Resort den Caribe y e #18 na Mundo door di su huespednan riba TripAdvisor, a honra su team di housekeeping cu reconocementonan special y premionan durante Housekeeping Week, cual a tuma lugar September 10 te cu 16.
Housekeeping Week ta un evento anual patrocina door di Integrated Environment and Health Assessment (IEHA) pa mustra aprecio pa e trabou duro y dedicacion di housekeepers cu ta mantene hotelnan y otro facilidadnan limpi pa bishitantenan y otro empleado.
Bucuti & Tara Beach Resort, distingui como e prome y unico hotel certifica CarbonNeutral®? den Caribe, tin un team dedica di 39 housekeepers, housemen, y laundry attendants. Bou guia di Executive Housekeeper Elston Cilie, e team aki ta mantene e standardnan mas halto di limpieza y higiena den e 104 kamber y suitenan di e resort, como tambe den e areanan comun, restaurantnan, spa, y beach. E team di housekeeping di e resort tambe ta hunga un rol esencial den implementacion di e practicanan eco-amigabel di e resort, manera uzo di productonan di limpieza natural y biodegradable, reciclahe, conservación di awa y energia, y proteccion di e medio ambiente.
Pa celebra, e resort a recompensa su team di housekeeping cu varios actividadnan y reconocimentonan manera desayuno den nan Tara Lounge, un caminata di meditacion durante puesta di solo, bowling, y un cena na Acquarius.
“Nos ta hopi orguyoso di nos personal di housekeeping y nos kier gradeci nan pa nan servicio excepcional y compromiso na nos resort y huespednan”, Ewald Biemans, doño y CEO di Bucuti & Tara Beach Resort ta splica. “Nan ta e pilar central di nos operacion y nan ta merece di wordo reconoci y recompensa pa nan trabou duro”.
Mas informacion tocante Bucuti & Tara Beach Resort
Declara como e prome CarbonNeutral®? Resort den Caribe na Augustus 2018, Bucuti & Tara Beach Resort ta un No. 1 Hotel den Caribe, No. 18 na Mundo riba TripAdvisor. Aruba su principal boutique resort pa adulto so, ta wordo dirigi door di e hotelero y ambientalista renombra, Ewald Biemans, nombra door di Caribbean Journal como e 2017 Caribbean Hotelier of the Year.
E resort ta situa alrededor di e santo blanco di Eagle Beach, locual ta e hogar pa tortuganan marino protegi y a nombra como un di e “Dream Beaches of the World.” Bucuti tin 104 guestrooms, suites y penthouses. E resort ta ofrece sunloungers y sombra pa cada huesped; infinity pool di awa fresco; spa; WiFi; y un iPad cu Skype complimentario pa uzo diario. Cuminda saludabel y premia por wordo disfruta na Elements (dilanti lama), Tara Lounge of cu private beach dining.
Reserva exclusivamente pa su huespednan, e recientemente renoba SandBar ta ofrece cocktails di calidad halto y live-music hunto cu Caribe su prome Healthy Hour. E resort ta TAG Approved®? como un LGBTQ-friendly hotel. Bucuti, un lider mundial pa turismo sostenibel, tin e proximo eco-certificacionnan: LEED Gold, Green Globe Platinum y Travelife Gold y a wordo nombra e Resort di Mas Sostenibel na Mundo na 2016 door di Green Globe.
In Memoriam: Fransisco “Tico” Kock, pionero di e musica di steelpan aki na Aruba
ORANJESTAD -- Fransisco “Tico” Kock a nace dia 4 di maart 1959 den e bario di Paradera. Tico tabata un gran amante di e musica di steelband. Den añanan 1967/1968 Tico tabata bay wak un grupo di steelband train, cerca di su cas. El a invita su amigonan di bario pa nan tur bay wak e steelband di bario aki toca. Asina nan interes pa siña toca steelpan a bira grandi cu casi tur atardi nan tabata bula den e barak, unda e steelpannan aki tabata warda, pa nan bay practica scondi, sin cu e doño di e steelband tabata na altura. Despues cu e grupo di bario aki a haya steelpannan nobo nan a regala e muchanan di bario (esta Tico y su amigonan) esunnan bieu y asina nan a cuminsa practica y toca hunto tur atardi despues di scol. Na aña 1970 Tico hunto cu su amigonan a lanta nan prome grupo di steelband cu ta hiba e nomber di ”Jump and Smile” y no a dura mucho cu nan a cuminsa cu nan prome shownan den hotel. Y desde e tempo ey te cu awe, Tico tabata toca den e hotelnan treciendo su musica di steelband pa tur e bishitantenan cu tabata bin Aruba. Na aña 1975 el a lanta e steelband “Sunny Island” y algun añas despues el a bira “Touch Of Steel” cu te awe ta activo den nos hotelnan.
Pa prome bes Hospital tin su reina di carnaval, Darlene Laveist pa Carnaval 70
ORANJESTAD - Diabierna ultimo Horacio Oduber Hospital a organisa su prome eleccion di reina di carnaval y e ganadora maximo a keda den persona di colega cu a representa Recuro Humano Darlene Laveist. Banda di a bira HOH su prome reina di carnaval Darlene a bay tambe cu e titulo di Best show. Un anochi yena di creatividad, talento, colegialidad y ambiente di carnaval unda talento a sobresali di 6 colega cu a bay representa nan departamento di HOH. Un evento cu a ranca sali cu un apertura di kita sombre hunto cu e candidatanan na Centro di Bario Playa Pabou y e ambiente no a para te laat unda a sera a anochi cu un Jump-In! Pabien tambe ta bay pa colega di ICU Jourainne Halabi cu banda di ta prome finalista di HOH pa carnaval 70 tambe a bay cu premio di Best Dress. Colega di departamento A2 Roldemn Mayol a bay cu premio di Best speech y tambe e premio di Mas Popular.
Stichting Ambiente Feliz awor cu mihor cuido cu patiëntenlift y schaal digital di Kondra
ORANJESTAD - Stichting Ambiente Feliz, un fundacion dedica na brinda cuido na personanan ku desabilidat mental of fisico severo, tabata en buska di sosten finaciero pa por logra cumpra ekipo esencial pa mehora e calidat di cuido cu nan ta ofrece na su clientenan
Exitoso Community Building Event: Let’s connect! – Ban conecta! organisa pa Cede Aruba
ORANJESTAD – Recientemente a tuma luga na Renaissance Convention Center e prome Communty Building Event “Let’s Connect! – Ban Conecta!” organisa pa CEDE ARUBA den cuadro di proyecto BARiO UNICO.
The Ritz-Carlton, Aruba ta celebra nan 10 aniversario y honra tur e damas y cabayeronan pa un decada di servicio excepcional
Ambiente di Fin di Aña na rotonde di Seroe Blanco cu SETAR
Follow NoticiaCla
