- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
- VIDEO: Minister Wever: Unico cos cu kizas por haci, ta na e suma cu DUCAPRO kier cobra pa toca musica
Polis a certifica Road Service pa documenta accidente
MACUARIMA - Den cuadro pa desaroyo, conocimento y mehoracion di servicio na comunidad a tuma lugar un curso pa dos compania di roadservice. For di 14 augustus 2023 te cu 18 september 2023, a presenta e curso di “Afhandeling Verkeersongevallen”, destina pa road service na Scol di Polis E.J. Watty Vos.
E curso aki tabata dedica na e personalnan di road service con a nan mester documenta un accidente. Pa asina tambe por brinda e comunidad un miho servicio abase di ley y reglanan di trafico.
E curso completo a wordo prepara y instrui pa specialistanan di Departamento di Trafico. E curso tabata ensera un seccion teoretico y un seccion practico, den cual tur participantenan a pasa un prueba na final cu exito.
Cu esaki participantenan a haña un mihor bista y instruccion con pa atende cu un accidente di trafico, manteniendo nan mes na locual cu nan a siña den e curso.
Despues di mas cu un luna di un curso intensivo tur participante a ricibi nan certificado concerni. Nos por bisa cu e road servicenan awor ta certifica pa tuma accidente di trafico pero tambe ta miho prepara con pa atende diferente scenario den trafico. Cuerpo Policial Aruba ta manda un pabien na tur participante di companianan di road service.
Recherche noord cu detencion den caso di posesion di arma di candela
ORANJESTAD - Awe durante dia e departamento di Recherche Noord conhuntamente cu Team di Aresto a haci un entrada hudicial na un cas na Seroe Patrishi. E caso aki ta enconexion cu posesion di arma di candela. Durante e entrada hudicial a detene e homber sospechoso C.T. . Na e cas a bin encontra cu basta droga como tambe municion. Investigacion ta andando y no ta descarta cu lo tin mas detencion. Cuerpo Policial ta haci un apelacion pa esnan cu sa algo of a wak algo yama e tiplijn di polis cu ta 11141. Bo ta keda anonimo.
Atraco team a detene sospechoso y confisca arma di candela na Bushiri
Dos hoben deteni pa arma di candela
ORANJESTAD - Awe un poco prome cu merdia Atraco Team a haci un detencion den Pos Chiquito. Esaki tin di haber cu investigacion tocante un arma di candela cu a wordo haya na Surfside Marina algun siman atras. Na momento di e detencion e sospechoso tabata cu un persona den auto y a purba core pa polis pero no a logra y a wordo deteni mesora.
Hobennan deteni pa posicion di arma di candela
Wardacosta a gara piscadornan Venezolano piscado illegal cu palambra
ORANJESTDAD - E Centro di Operacion Maritimo di Wardacosta a detecta dos contacto sospechoso den awanan di Aruba. Na yegada di Wardacosta pa hasi control di e botonan a nota cu tur dos tawata boto procedente di Venezuela cu tawata piscando ilegal den awanan di Aruba. E botonan tawata usa e sistema di pisca cu palambra, cual tambe ta yama ‘long-lines’. E sistema aki ta prohibi pa usa pa leynan di Aruba.
Polis a detene un persona pa intento di asesinato
ORANJESTAD – Polis a informa cu diabierna mainta nan a detene un persona pa intento di asesinato. Tres siman pasa tabata tin un caso di intento di asesinato na Olde Molen. Recherche di Noord a cuminsa un investigacion rigoroso na unda cu diabierna den oranan di mainta Team di Aresto a detene e sospecho H. di 18 aña di edad y naci na Aruba riba caya.
Follow NoticiaCla
