Despues di 10 aña a oficialisa Cuerpo di inmigracion Aruba

ORANJESTAD - Dia 9 di september 2023 ta y lo keda un dia special pa Inmigracion Aruba. 

Despues di un proceso cu a dura no mas cu 10 aña a logra finalmente entrega 72 landsbesluit, cual ta consisti di 11 colega den e lichting nobo y e resto ta pertenece na e personal existente di Inmigracion Aruba.

E logro aki ta concretisa e posicion huridico di e dienst y di cada personal. Logrando esaki ta duna oportunidad na ambos pa sigui desaroya y traha riba un futuro profesional na un forma continuo y sigur pa mehora e calidad di e dienst den tur area. 

Na prome luga, Inmigracion Aruba, ta extende palabra di felicitacion na cada personal cu e logro aki y na di dos luga kier gradici cada persona cu na un of otro manera a traha y percura pa concretista e logro aki. 

Gradicimento special ta bay na: Minister di Husticia y Asuntonan Social, Sr. Rocco Tjon, Departamento di Recurso Humano (DRH), tur sindicato y e personal completo di Inmigracion Aruba.