Altocomisario di polis Hulandes a haci palabracion cu KPA pa traha mas cerca cu otro

Posted on 09/15/2023 9:54 am AST | Updated on 09/15/2023 9:56 am AST

MACUARIMA - Recientemente Cuerpo Policial Aruba a haya bishita pa prome biaha di altocomisario di polis Hulandes, Sr.Henk van Essen, cu ta na cabes di Nationale Politie Nederland, hunto cu su delegacion cu tabata consisti di entre otro hefe di polis di e region Amsterdam Sr. Frank Paauw ela bishita Aruba pa trabou. E bishita ta den cuadro di e bon relacion cu e College van Korpschef den e regio cu tambe lo wordo bishita. Un di e motibonan di e bishita ta pa haci palabracion nan hunto pa den futuro e dos organisacion policial por traha mas di cerca cu otro. Sigui fortalece e hermanandad y strategia entre e dos organisacion policial pero tambe con por yuda otro riba diferente nivel manera curso, experticio y colaboracion. A elabora tambe cu KPA ta moviendo pa tecnologia moderno pa asina por sigui desaroya e cuerpo. Ta transparente, miho conexion cu comunidad, bon equipa, usando medianan social tambe mantene e seguridad di pais Aruba tabata un di e topiconan importante entre KPA y Nationale Politie Nederland.

AGENTENAN CU HOPI PASION Y DEDICACION

“Pa prome biaha mi ta bin bishita Aruba y su Cuerpo Policial. Hendenan amabel cu respet desde e momento cu mi a pone pia riba e pais aki. Agentenan alegre pero cu hopi smaak pa traha apesar di cualkier circunstancia, nan ta haci e trabou aki cu hopi pasion y dedicacion. Pero tambe e encuentro aki tabata di sumo balor na unda nos a elabora con nos por traha mas di cerca hunto riba diferente tereno. Mi tin pleno confiansa cu e relacion positivo aki entre ambos organisacion.” Tabata e prome expresionnan di Sr.Henk van Essen altocomisario di Nationale Politie Nederland, den cuadro di su bishita di trabou na Aruba.

BISHITA KPA

Su prome bishita tabata cerca conoci cu Cuerpo Policial Aruba su altocomisario di Polis, mando policial pero tambe polis uniforma. Tabata un momento cu e delegacion por a intercambia ideanan cu e personal y hefe di districto pero tambe conoce e polis uniforma di cerca. Despues a sigui pa bishita plaza Tino Ruiz, caminda cu e dos altocomisarionan a duna honor y respet na e busto q.e.p.d. Tino Ruiz.

KPA DEN DESAROYO

Un bishita hopi exitoso caminda nos ta mira bek riba un bon palabracion entre e dos organisacion policial. A elabora riba con por mehora e cooperacion y traha hunto den futuro. Mi tin pleno confiansa den e desaroyo aki pa KPA. Tabata palabranan di drs. Ramon Arnhem altocomisario di polis.

  • Arnhem: Polis lo sigui cu control pisa den trafico pa evita mas morto

    Arnhem: Polis lo sigui cu control pisa den trafico pa evita mas morto

    MACUARIMA - Cuerpo Policial Aruba diamars a anuncia cu lo tin mas control pisa di trafico cu e fin pa evita mas morto den trafico. Alto Comisario Arnhem a bisa cu a tuma nota cu tin 6 accidente fatal cu a tuma lugar den menos di 5 luna e aña aki. Cada accidente cu herido of fatal ta dimas.

  • Turistanan Mexicano a haya multa pa denuncia atraco falso na polis

    Turistanan Mexicano a haya multa pa denuncia atraco falso na polis

    ORANJESTAD – Un pareha turista Mexicano a haya multa di polis pa a denuncia un atraco cu a resulta falso. Tabata diaranson anochi 22 mei central di polis a wordo notifica cu un atraco lo mester a tuma lugar riba dos turista nacionalidad Mexicano den e parkeerplaats  banda di Dunkin Donuts.  E turistanan a declara cu nan a yega na nan auto y dos hende homber mester a atracanan y un di nan tabata tin icepick. Nan lo mester a bay cu un tas conteniendo $250,- aden. 

  • Warcacosta a adverti botonan na Eagle Beach pa turtuga morto grandi cu tabata drif

    Warcacosta a adverti botonan na Eagle Beach pa turtuga morto grandi cu tabata drif

    EAGLE BEACH - A tuma nota di un turtuga sumamente grandi (sin bida) ta drif riba awa den area di Eagle Beach. Wardacosta a mira e turtuga, y a ripara cu posiblemente un boto a dal den dje. Basa riba e grandura, ta calcula cu e turtuga ta pisa aproximadamente 200 kilo. E mensahe aki ta pa adverti tur boto den bisindario pa tene cuenta cu esaki pa evita di dal den dje, cu lo por posiblemente causa daño na e boto.

  • Motociclista a bira e di 6 morto di trafico pa 2024

    Motociclista a bira e di 6 morto di trafico pa 2024

    ORANJESTAD - Diabierna merdia pa 1:30 central di polis ta wordo notifica di un accidente entre un auto y un brommer riba e caminda di Calabas.

  • Pareha turista a keda atraca diaranson anochi den area turistico di Aruba

    Pareha turista a keda atraca diaranson anochi den area turistico di Aruba

    PALM BEACH - Diaranson anochi pasa di 9or central di polis ta wordo notifica di un atraco den e area turistico, ariba dos turista den un parkeerplaats banda di Dunkin Donuts. Ta despacha patruya di polis di biaha na e sitio di e sucedido. Na yegado di e patruya ta bin topa cu un pareha mexicano. Nan ta conta na e agentenan policial cu un rato prome dos homber lo mester a atracanan uzando un icepick.  Un di e homber tabata bisti na flanel blanco y carson preto y tabata color scur. E otro homber nan no por a wak bon. E atracadornan a logra bay cu un cartera conteniendo dollars y pesos como tambe  caarchi di credito y debito.  E atracadornan a huy na pia direcion zuid. 

  • Polis a detene tres persona relaciona cu caso di droga

    Polis a detene tres persona relaciona cu caso di droga

    ORANJESTAD - Diamars atardi e team di Unit Narcotica a haci diferente entrada hudicial y detencionnan.  E accion a cuminsa na Ranchostraat y despues Seroe Patrishi.  Na e cas na Ranchostraat a detene dos homber y un hende muher. Ta trata di e homber R.D.C.M.  26 aña, e homber S.I.W.S. di 23 aña y e muher A.A.T. di 65 aña. Na e sitio a confisca un auto, dos brommer y droga.  

  • Powered by SETAR