Guardacosta Venezolano a recupera e jet ski nan horta na Aruba

LA MACOLLA – E  dos jetski nan cu dos Venezolano a horta diahuebs y huy bay cune, a keda recupera na e peninsula di Paraguana, Venezuela den e sector La Macolla pa Guarda Costa Venezolano. Asina e reporte di e Zona Operativa de Defensa Integral Marítima e Insular Occidental 72 (Zodimainoc) a cargo diVicealmirante Andrés Arbeláez Duarte a informa diabierna mainta. E noticia a plama diahuebs atardi ora cu dos Venezolano a logra horta e dos jetski nan aki y move y yega te Venezuela sin cu autoridad local por a haci algo. 

RAPORTA NA TEMPO

Segun informacion ricibi, e delito a keda raporta pa autoridad di Aruba na tempo, unda cu efectivonan military a intensifica e plan pa busca e jetskinan y a logra detene un di e Venezolanonan involucra. 

KICO A PASA

Despues cu e dos Venezolanonan a horta e aparatonan an Aruba y bandona e isla, e Unidadadnan di Respuesta Inmediata Marítima Barracuda (URRA) 181.1 a active den henter e peninsula di Paraguana, aunke nan ta enfoca na Cabo San Roman.  E dos jet ski tabata mara na Ensenada di Punta Macolla na momento di interveni y unda cu a detene un di e implicadonan. E otro si a logra scapa. Esun cu a wordo gara, a keda identifica como José Gregorio Olazabal Zavala, di 34 años, Venezolano, di Los Taques, unda cu nan a haya dos cellular y un pasaporte den su posicion.