- Wever Croes: Lo sinta cu TOPA riba Prestatie Management Sisteem dentro e tempo stipula
- DOW: Ta habri caminda bek na Palm Beach fin di October!
- Oduber: Cifranan di AAA ta indica cu tin un demanda fuerte pa Aruba
- Carchi ta cabando pa wak comediante Marko en bibo na Aruba
- Veld nobo di stadion Guillermo Prospero Trinidad ta wordo evalua awor
Ansary: ‘Mi no tabatin mal intenshon i ta dispuesto pa sigui papia’
WILLEMSTAD – Den un deklarashon pa redakshon di Extra, den su kalidat di Vise Presidente di SSK, sr. Wendell Muelen a duna di konosé ku komo SSK nan ta sumamente preokupá pa loke ta trata e situashon di Ennia. Esaki pa motibu ku SSK tin diferente sindikato ta kai bou di nan i ku ta kai bou di e fondo di penshun di Ennia. For di momentu ku e situashon delikado a surgi pa Ennia, SSK i e sindikatonan ku ta kai bou di SSK a kuminsá preokupá pa ku e desaroyo.
Pa duna un ehèmpel, Muelen a splika ku tur e trahadónan di hospital, nan fondo di penshun ta na Ennia. E preokupashon ta pa tantu pa esunnan ku ya ta kobra i esunnan ku mester bai kobra nan penshun.
Mirando e situashon aki, SSK a dirigí un karta direkto pa Ansary pa purba papia kuné riba su sentido síviko pa loke ta trata e situashon ku a surgi, pa tur e hendenan ku tin nan pólisa na Ennia. E pregunta ta, si algu bai robes, e penshonadonan ta bai kai den un situashon sosial ekonómiko, ku un konsekuensia serio pa komunidat di Kòrsou.
Pues e karta a keda dirigí pa purba media den e situashon, sin ke pretendé nada, pa motibu ku SSK sa ku ta trata di un situashon tékniko finansiero kompliká i den niun sentido nan komo SSK no por drenta aden. Simplemente nan tabata ke papia ku Ansary riba su sentido síkiko.
Muelen a duna di konosé ku Ansary a kontestá nan mesora i a regla un reunion via di “Zoom” ku nan, kaminda ku for di Houston Ansary personalmente a deliberá ku nan pa un ora i mei.
Ansary a duna nan rason riba nan punto di preokupashon i nan punto di bista i a bisa ku ta un kos fèrfelu pa komunidat di Kòrsou. Sinembargo, el a splika ku di su banda ku e no tin niun mal intenshon.
Pero SSK no a bai den diskushon di aspektonan di maneho di plaka, pero si SSK a ekspresá nan preokupashon di tantu trahadónan i penshonadonan ku tin nan pólisa na Ennia si kos bai malu kiko ta e konkurensia.
Na final nan a puntra Ansary si e ta dispuesto pa sigui deliberá ku gobièrnu i Banko Sentral, Ansary a kontestá ku e ta dispuesto pa sigui deliberá i a bisa tambe ku den pasado el a hasi vários intento pa purba esei i no a logra, pero e ta habrí ketu bai.
SSK no a bai den e kaso di korte, pero Ansary a splika ku e ke wak e relatonan finansiero ouditá di aña 2018 te ku awor aki, hustamente e periodo ku e no tabata den Ennia mas.
E ta dispuesto pa sigui papia pa yega na un solushon positivo pa esnan ku tin nan pólisa na Ennia.
SSK a papia ku Banko Sentral riba e partikularidat aki i a tende ku ora yega na klaridat lo wak kon por yega na akuerdo.
Muelen a enfatisá ku nan ta ful di akuerdo ku Gobièrnu ku mester yega na un solushon pa e situashon. Pero dor di fia plaka pa kumpli ku esaki lo por tin un konsekuensia devastador pa komunidat di Kòrsou.
SSK ta kere ku tin un posibilidat ku por sigui papia ku Ansary pa purba wak ku por yega na un solushon.
SSK ta keda disponibel pa por duna un aporte pa yega na un final ku tur hende ta satisfecho kuné i ta hasi un apelashon na partidonan pa hasi un intento mas i sinta na mesa ku Ansary i trata di yega na un punto pa no mester hinka pais den situashon finansiero mas hodidu ku ya e ta. NOTA: E texto ta scirbi den Papiamento fonetico di Corsou.
Pelotero Yiu di Corsou Kenley Jansen tin su mes music label: ‘KJ74 Entertainment’
BOSTON - Tur hende sa ku Kenley Jansen apart di ta pelotero profeshonal tin un pashon pa músika. Ya tin diferente produkshon musikal kaminda el a duna su aporte komo músiko i komo empresario e ta doño di entre otro e agrupashon musikal ICONS i ta tambe un dje lidernan di grupo di Karnaval Alegria.
Gobierno di Corsou mes a cumpra Campo Alegre durante subasta
WILLEMSTAD - Gobierno di Corsou mes a cumpra e establecimento conoci como Campo Alegre awe mainta durante e subasta. E suma cu ta wordo menciona, ta 8 miyon florin. No ta conoci ainda kico e motibo y intencion ta pa cu e compra aki. Noticiacla siman pasa a raporta cu awe tabatin e subasta menciona. Campo Alegre ta e lugar cu pa añanan largo ta popular unda cu muhernan ta ofrece e servicio di duna placer na primordialmente e ser masculino. Hopi ta yame e trabou dj mas bieu di mundo, esta prostitucion. E noticia aki ta den proceso. Keda pendiente pa mas actualisacion.
Tweede Kamer di acuerdo pa trata fiansa ENNIA pa Corsou y St Maarten prome cu eleccion
WILLEMSTAD - Tweede Kamer a disidí siman pasá djaweps durante un asina yamá “regeling van werkzaamheden”, un seshon plenario pa plania trabounan di e parlamento den periodo benidero, ku ta trata e presupuesto supletorio insidental di Ministerio di Asuntunan Interno i Relashonnan den Reino promé ku elekshon dia 22 novèmber awor. E presupuesto supletorio aki ta relashoná ku e fiansa di 600 mion euro ku Hulanda ta ofresé Kòrsou i St. Maarten komo solushon duradero pa kompania di seguro ENNIA i tambe algun aspekto di maneho sosial pa islanan BES.
Corsou ta registra caso di asesinato riba homber di 26 aña
WILLEMSTAD – Wikènt tras di lomba polisnan tabatin man yen ku trabou. For di djabièrnè anochi, kaya tabata basta drùk. Djasabra den kareda di algu pa 8 or di anochi, Sentral di Polis a risibí informashon ku den outo di famia lo a trese un hòmber na sala di emergensia di C.M.C. ku herida di bala na altura di su pechu i su kondishon tabata krítiko.
Na Corsou diamars próksimo Campo Alegre ta na findishi
WILLEMSTAD - Tur kos ta kla pa findishi di Campo Alegre tuma lugá djamars awor dia 26 di sèptèmber. Esaki despues ku e findishi di aña pasá pa benta dje sentro di dibertishon, no a sigui.
Wardacosta na Corsou a intercepta otro boto cu 20 imigrante indocumenta awe marduga
WILLEMSTAD – Awe den oranan di mardugá Wardakosta a interseptá un boto sùit di Kòrsou ku sigur 20 ku tur probabilidat venezolano abordo. Intenshon tabata pa tur drenta Kòrsou di forma ilegal pero nan plan aki kai na awa na momentu ku radarnan di militar a detektá e boto aki yegando kosta di Kòrsou. Mesora a bati alarma i e metalshark di Wardakosta a logra para e boto i detené tur esnan abordo di e jola kolo blou aki. Manera a indiká tabatin komo 20 persona abordo entre kual hende hòmber, hende muhé i mucha. Alrededor di 3:15 a drenta haf di Kòrsou ku tur e detenidonan i a bai direkshon di Parera unda nan ta keda prosesá pa despues den futuro keda deportá. NOTA: E texto ta scirbi den Papiamento fonetico di Corsou.
Follow NoticiaCla
