Instituto Hulandes ta otorga Inspeccion di Salud di Aruba premio pa ‘E Miho Fracaso’ den cuido

AMSTERDAM – E asina yama ‘Instituut voor Briljante Mislukkingen’ a otorga un ‘premio’ na inspeccion di salud di Aruba (IVA) pa e miho fracaso cu e otorgacion di e permiso di exploitacion na casnan di cuido riba e isla. A trata di e di 9 edicion di e ‘Briljante Mislukkingen Award in de Zorg’ osea un premio den sector di cuido. Esaki a tuma lugar na Achmea Zilveren Kruis na Leiden. Segun e instituto, cu introduccion di e ley nobo na Aruba, a bira conoci cu ningun cas di cuido tabatin un permiso di operacion/eploitacion. “Pa e motibo ey, clientenan den e casnan di cuido no por conta riba continuidad, calidad y seguridad di e cuido” e instituto ta sigui bisa. “Pesey e inspeccion a cuminsa un trayecto pa trece mehoracion” e instituto ta continua bisando. E asina yama premio titula ‘Een Briljante Mislukking’ osea Un Fracaso briyante, ta un bon intento prepara pa realisa algo cu un otro resulta cu tabata planea. E premiacion ta wordo sosteni pa ministerio di Salud, Cuido y Deporte Hulandes osea VWS y ZonMw segun e portal di e instituto. Minister encarga cu e cartera di Adultonan Mayor, Ursell Arends a sigura e portal aki cu awe e lo duna e reaccion riba e tema aki.