- Oduber: Cifranan di AAA ta indica cu tin un demanda fuerte pa Aruba
- Carchi ta cabando pa wak comediante Marko en bibo na Aruba
- Veld nobo di stadion Guillermo Prospero Trinidad ta wordo evalua awor
- Pelotero Yiu di Corsou Kenley Jansen tin su mes music label: ‘KJ74 Entertainment’
- Hasta den restante di wega suspendi, Feyenoord ta superior riba Ajax y ta gana 4-0 na Hulanda
Corte: Ennia na Corsou tin derecho riba daño i perhuisio di por lo ménos 250 mion florin
WILLEMSTAD. – Manera cu NoticiaCla a raporta ayera caba, ayera e tribunal di Korte Superior formá pa wesnan mr. P.W.A. van Geloven, mr. M.M.M. Tillema en mr. H.L. Wattel, a formulá un veredikto provishonal den kaso den e apelashon di e kaso di Ennia kontra Ansary i otronan ku ta konta ku 143 paginá, motivando asina nan punto di bista pa loke ta trata e disputa di 1.1 bion florin.
Korte Superior a dediká atenshon den ekstenso riba tur e puntonan ku tabata den disputa primeramente a duna un bista riba e konteksto di e kaso, e veredikto mes di e kaso, motivando riba invershonnan den e kompania S&S i plataformanan petrolero, Pagonan (di dividènt), Gastunan eksesivo, pa finalmente konkluí pa loke ta trata e sumanan di 117 mion USD (suma será), (mas ku) 11 mion USD, i 25,8 mion NAf. ku ta un parti di e demanda di Ennia mester keda pagá. Pues pa e suma aki no tin diskushon mas.
Partidonan mester bin korte bèk dia 24 di òktober 2023 pa kontinuá e aspekto di balor di Mullet Bay, un parsela di tereno na Sint Maarten ku Ansary a aportá na Ennia, pa nombra un eksperto pa balorá e balor.
E kaso den apelashon a keda tratá riba dianan 13, 14 i 16 di mart di e aña aki den Korte.
Korte di Promé Instansia den su sentensia fechá 29 di novèmber 2021, a bai di akuerdo ku e demandanan di Ennia te un suma di mas ku 1 bion florin. Korte di Apelashon a tuma desishonnan tokante di parti di e demandanan di Ennia. Pa por disidí tokante di e sobrá demandanan, ta rekerí investigashon di un eksperto independiente. Ademas, e partinan lo mester entregá informashon adishonal.
Pa duna un bista riba e disputa bionario ku a surgi ku e kompania di Ennia kaminda ku tin mas o ménos 50.000 pólisa di asegurado di kua mas o ménos 30.000 ta di penshun, t’asina ku for di yüli 2018, e medida di emergensia respekto di Ennia ta na vigor.
Banko Sentral di Kòrsou i Sint Maarten ta enkargá ku e realisashon di esaki i a inisiá e prosedura ku meta di solushoná e problema di solvensia ku Ennia ku a presentá. Kon grandi e défisit di solvensia ta, riba su mes no ta e tópiko di e prosedura aki, ta trata di indemnisashon di daño respekto di algun pòst i suseso spesífiko.
Ennia ta akusá e akshonista (Parman International) i èks ehekutivonan i komisarionan (Ansary i otronan) di a aktuá ilísitamente pa ku kompanianan ku ta pertenesé na e grupo Ennia. Sigun Ennia, for di e momento ku e grupo Ennia a wòrdu tumá ofer dor di Parman International di kua Ansary ta ehekutivo/akshonista mayó di dje, na fin di 2005 kuminsamentu di 2006, e grupo Ennia no a keda dirigí di akuerdo ku e karakter spesífiko di kompanianan di seguro i e reglanan di supervishon asosiá na nan. Den e konteksto aki, segun Ennia a hasi gastunan eksesivo indebido, komo pagonan (di dividènt), donashonnan, salarionan i bónùsnan, i a deprivá Ennia inhustamente di ganashinan di invershon.
Den e veredikto di ayera e tribunal ta konkluí ku partidonan lo haña oportunidat promé pa ekspresá nan punto di bista tantu riba e persona di e eksperto ku lo wòrdu nombrá pa un taksashon di Mullet Bay den e periodo relevante, komo riba e formulashon di e pregunta ku lo wòrdu hasí.
Den e sentensia aki, Korte por a duna klaridat pa loke ta trata parti di e demandanan di Ennia kaba, esta 117 mion USD (suma será), (mas ku) 11 mion USD, i 25,8 mion NAf.
Partidonan mester bin korte bèk dia 24 di òktober 2023 pa kontinuá e aspekto di balor di Mullet Bay. NOTA: E texto ta scirbi den Papiamento fonetico di Corsou.
Pelotero Yiu di Corsou Kenley Jansen tin su mes music label: ‘KJ74 Entertainment’
BOSTON - Tur hende sa ku Kenley Jansen apart di ta pelotero profeshonal tin un pashon pa músika. Ya tin diferente produkshon musikal kaminda el a duna su aporte komo músiko i komo empresario e ta doño di entre otro e agrupashon musikal ICONS i ta tambe un dje lidernan di grupo di Karnaval Alegria.
Gobierno di Corsou mes a cumpra Campo Alegre durante subasta
WILLEMSTAD - Gobierno di Corsou mes a cumpra e establecimento conoci como Campo Alegre awe mainta durante e subasta. E suma cu ta wordo menciona, ta 8 miyon florin. No ta conoci ainda kico e motibo y intencion ta pa cu e compra aki. Noticiacla siman pasa a raporta cu awe tabatin e subasta menciona. Campo Alegre ta e lugar cu pa añanan largo ta popular unda cu muhernan ta ofrece e servicio di duna placer na primordialmente e ser masculino. Hopi ta yame e trabou dj mas bieu di mundo, esta prostitucion. E noticia aki ta den proceso. Keda pendiente pa mas actualisacion.
Tweede Kamer di acuerdo pa trata fiansa ENNIA pa Corsou y St Maarten prome cu eleccion
WILLEMSTAD - Tweede Kamer a disidí siman pasá djaweps durante un asina yamá “regeling van werkzaamheden”, un seshon plenario pa plania trabounan di e parlamento den periodo benidero, ku ta trata e presupuesto supletorio insidental di Ministerio di Asuntunan Interno i Relashonnan den Reino promé ku elekshon dia 22 novèmber awor. E presupuesto supletorio aki ta relashoná ku e fiansa di 600 mion euro ku Hulanda ta ofresé Kòrsou i St. Maarten komo solushon duradero pa kompania di seguro ENNIA i tambe algun aspekto di maneho sosial pa islanan BES.
Corsou ta registra caso di asesinato riba homber di 26 aña
WILLEMSTAD – Wikènt tras di lomba polisnan tabatin man yen ku trabou. For di djabièrnè anochi, kaya tabata basta drùk. Djasabra den kareda di algu pa 8 or di anochi, Sentral di Polis a risibí informashon ku den outo di famia lo a trese un hòmber na sala di emergensia di C.M.C. ku herida di bala na altura di su pechu i su kondishon tabata krítiko.
Na Corsou diamars próksimo Campo Alegre ta na findishi
WILLEMSTAD - Tur kos ta kla pa findishi di Campo Alegre tuma lugá djamars awor dia 26 di sèptèmber. Esaki despues ku e findishi di aña pasá pa benta dje sentro di dibertishon, no a sigui.
Wardacosta na Corsou a intercepta otro boto cu 20 imigrante indocumenta awe marduga
WILLEMSTAD – Awe den oranan di mardugá Wardakosta a interseptá un boto sùit di Kòrsou ku sigur 20 ku tur probabilidat venezolano abordo. Intenshon tabata pa tur drenta Kòrsou di forma ilegal pero nan plan aki kai na awa na momentu ku radarnan di militar a detektá e boto aki yegando kosta di Kòrsou. Mesora a bati alarma i e metalshark di Wardakosta a logra para e boto i detené tur esnan abordo di e jola kolo blou aki. Manera a indiká tabatin komo 20 persona abordo entre kual hende hòmber, hende muhé i mucha. Alrededor di 3:15 a drenta haf di Kòrsou ku tur e detenidonan i a bai direkshon di Parera unda nan ta keda prosesá pa despues den futuro keda deportá. NOTA: E texto ta scirbi den Papiamento fonetico di Corsou.
Follow NoticiaCla
