Polis a parti 26 boet pa doñonan iresponsabel di cacho pariba di brug

Posted on 09/12/2023 2:12 pm AST | Updated on 09/13/2023 12:16 am AST

MACUARIMA - Despues di dos luna di concientisa comunidad tocante ley y reglanan di cacho a yega e momento pa accion policial contra e personanan iresponsabel cu nan cacho. Cuerpo Policial Aruba conhuntamente cu Post Aruba N.V. a ranca sali dialuna mainta trempan pa controla y parti multa. Ta trata di polis uniforma, K9 Unit, polis di bario y e personal di 

Post Aruba N.V. cu a forma un equipo cu a bay den accion. E personal di Post Aruba N.V. ta confronta diariamente cu cachonan los y brabo riba caya. Conhuntamenta cu polis a dirigi un accion policial den algun bario rond Aruba. 

A haci diferente control den bario nan di San Nicolas manera: Seroe Colorado, Fortheuvelstraat, Seroe Largoweg, Juanamorto complex, De Vyust, Esso Heights, Weg Rooi Congo, Amsterdamstraat, Arnhemstraat, Castrostraat, Vorstraat, Seroe Preto, Dirskstraat, Zeewijk, Weg Rooihundo y Weg Fontein.

A constata diferente infraccion manera:  cacho los riba caminda publico, negligencia di cacho, cachonan peligroso tambe persona cu ta cana cu cacho riba caya sin leash. E control tabata fructifero, bintiseis (26) persona a haya multa tocante diferente infraccion di ley di cacho. E controlnan aki lo continua den otro barionan. Nos ta haci un suplica cuida bo cacho, mantene bo mes na e ley y reglanan tocante cacho y preveni di haya un multa indeseaE boet ta halto y lo por tin consecuencia pa bo cartera.

  • Pareha turista a keda atraca diaranson anochi den area turistico di Aruba

    Pareha turista a keda atraca diaranson anochi den area turistico di Aruba

    PALM BEACH - Diaranson anochi pasa di 9or central di polis ta wordo notifica di un atraco den e area turistico, ariba dos turista den un parkeerplaats banda di Dunkin Donuts. Ta despacha patruya di polis di biaha na e sitio di e sucedido. Na yegado di e patruya ta bin topa cu un pareha mexicano. Nan ta conta na e agentenan policial cu un rato prome dos homber lo mester a atracanan uzando un icepick.  Un di e homber tabata bisti na flanel blanco y carson preto y tabata color scur. E otro homber nan no por a wak bon. E atracadornan a logra bay cu un cartera conteniendo dollars y pesos como tambe  caarchi di credito y debito.  E atracadornan a huy na pia direcion zuid. 

  • Polis a detene tres persona relaciona cu caso di droga

    Polis a detene tres persona relaciona cu caso di droga

    ORANJESTAD - Diamars atardi e team di Unit Narcotica a haci diferente entrada hudicial y detencionnan.  E accion a cuminsa na Ranchostraat y despues Seroe Patrishi.  Na e cas na Ranchostraat a detene dos homber y un hende muher. Ta trata di e homber R.D.C.M.  26 aña, e homber S.I.W.S. di 23 aña y e muher A.A.T. di 65 aña. Na e sitio a confisca un auto, dos brommer y droga.  

  • Un cantidad di 24 Altocomisario den regio a topa hunto na e conferencia di ACCPna Belize

    Un cantidad di 24 Altocomisario den regio a topa hunto na e conferencia di ACCPna Belize

    MACUARIMA - Recientemente a tuma lugar un conferencia di (ACCP) Association of Caribbean Commissioners of Police. Esaki ta in conferencia cu ta tuma lugar cada aña y nos altocomisario di Polis drs. Ramon Arnhem tambe tabata presente e aña aki.

  • Polis a haci detencion den caso di tiramento dilanti Tio Pepe Bar

    Polis a haci detencion den caso di tiramento dilanti Tio Pepe Bar

    SAN NICOLAS – Polis di San Nicolas a haci un detencion den e caso di tiramento cu a tuma lugar ariba 16 december 2023 dilanti Tio Pepe Bar & Restaurant situa na Betonicastraat na Pos Chiquito.

  • Cinco luna despues cu a haya curpa na costa na Vader Piet, polis a detene homber relaciona cu e caso

    Cinco luna despues cu a haya curpa na costa na Vader Piet, polis a detene homber relaciona cu e caso

    ORANJESTAD - Unit mensenhandel en mensensmokkel (UMM) di Cuerpo Policial di Aruba a detene un homber dialuna  relaciona cu e investigacion penal di un sucedido cu a tuma lugar na december ultimo caminda mas cu un persona a perde nan bida. 

  • VIDEO: E termino di Ramon Arnhem como Alto Comisario no ta determina ainda si ta 3 of 5 aña

    VIDEO: E termino di Ramon Arnhem como Alto Comisario no ta determina ainda si ta 3 of 5 aña

    ORANJESTAD – Alto Comisario di polis Ramon Arnhem no sa ainda pa cuanto tempo e ta bay ta na Aruba. Normalmente e contrato di trabou ta pa 3 aña, pero e la indica caba na su superior (minister Tjon) cu e tempo ey ta mucho cortico pa e por completa su trabou. Mientrastanto no tin decision ainda tuma si e ta keda 3 aña of 5, manera cu a keda sugeri. Cu su 1 aña y 9 luna na Aruba, e la pasa e mitar di e termino inicial caba, pero tin intencion di keda mas. De hecho e ta mustra cu e tin te hasta gana y plan, pa despues di su termino, establece su mes na Aruba. 

  • Powered by SETAR