DUO ta bishita region di Caribe y ta conseha pa no paga mas cu ta necesario na debe

DUO ta bishita region di Caribe y ta conseha pa no paga mas cu ta necesario na debe

Posted on 09/12/2023 9:30 am AST | Updated on 09/12/2023 9:32 am AST

ORANJESTAD - Tin algun èks-studiante ku ta pagando bèk un suma mensual mas haltu ku nesesario pa paga nan debe di estudio. P’esei, Dienst Uitvoering Onderwijs (DUO) ta paga atenshon èkstra na esaki durante e bishita di otoño na e region di Karibe. For di fin di sèptèmber te ku kuminsamentu di novèmber konsekutivamente lo bishitá Saba, Sint Eustatius, Sint Maarten, Aruba, Boneiru, i Kòrsou. Riba kada isla, durante e bishita lo habri ofisina di servisio temporal, i riba algun isla DUO lo organisá enkuentronan di informashon tokante finansiamentu di estudio.

Habitante di e region di Karibe ku ta paga bèk un debe di estudio na DUO, hopi biaha ta  paga un suma mensual mas haltu ku nesesario. Generalmente, e motibu pa esaki ta ku entrada di esun ku ta paga bèk no ta konosí serka DUO, ku konsekuensia ku no ta tene kuenta kuné den kalkulashon di e suma mensual. Hopi di esnan ku ta paga bèk no sa ku nan mes mester pidi pa baha e suma mensual, i ku huntu ku esei nan mes tambe mester duna nan entrada. Ademas, e suma mensual despues di e rekalkulashon nunka no ta bira mas haltu ku e suma mensual original.

Esnan ku ta paga bèk ku ainda no a pidi pa baha e suma mensual, na sèptèmber lo risibí un mail di DUO. Den e mail lo indiká kiko nan por hasi. Tambe nan ta bon biní na un di e ofisinanan di servisio temporal di DUO pa pidi e rebaho òf pa pregunta tokante e tópiko aki. 

OFISINA DI SERVISIO TEMPORAL 

Pa pregunta tokante pago bèk di e debe di estudio serka DUO òf tokante finansiamentu di estudio, por pasa na un di e ofisinanan di servisio temporal. E empleadonan tambe por yuda ku yenamentu di formulario, òf ora un hende no tin akseso na Mijn DUO mas. 

Èks-studiante ku ta paga bèk un debe di estudio, na e ofisina di servisio por pidi un rebaho di nan debe di estudio. Ta hèndi si mesora nan trese un deklarashon di entrada di 2021 i 2022, pa asina e empleado di DUO por yuda mesora.

Pa un bishita na un ofisina di servisio no ta nesesario pa traha un sita. Un tarheta di identifikashon válido sí ta nesesario.

INFORMASHON ONLINE VIA WEBINAR 

Den e webinar ‘Paga bèk for di region di Karibe: kon e ta funshoná?’ DUO ta duna splikashon tokante entre otro petishon pa baha e suma mensual, dunamentu di e entrada, i e bentahanan di paga bèk lokal. 

Tambe tin un webinar spesial pa futuro studiante ku no por ta presente na e enkuentronan di informashon tokante pidi finansiamentu di estudio (akibou tin mas informashon tokante e enkuentronan aki) òf ta biba na Saba òf Sint Eustatius.

Tur dos webinar ta grátis i ta optenibel ku suptítulo na ingles.

ENKUENTRONAN DI INFORMASHON FUTURO STUDIANTENAN 

Futuro studiante i nan mayornan por mèldu na tur e islanan (eksepto na Saba i Sint Eustatius) pa a enkuentro di informashon ‘Pidi finansiamentu di estudio for di e region di Karibe: kon e ta funshoná?’ Durante e enkuentronan, DUO ta konta kiko finansiamentu di estudio ta konsistí di dje, kon i na unda studiantenan 

 

 

 

mester pidi finansiamentu di estudio, i kiko mas nan mester regla. Naturalmente, tambe tin espasio pa hasi pregunta. 

 

KONTAKTO DI UN OTRO MANERA?

Despues di un bishita na un ofisina di servisio, e enkuentronan di informashon òf e webinars ainda tin pregunta? E ora ei bo por hasi un videocall ku DUO òf laga DUO yama bo. Pa tur posibilidat pa kontakto, wak riba duo.nl/antillen.

 

MAS INFORMASHON

Dia 25 i 26 di sèptèmber DUO ta na Saba, i dia 27 i 28 di sèptèmber na Sint Eustatius. Di 2 te ku 6 di òktober na Sint Maarten, di 10 te ku 20 di òktober na Aruba, di 16 te ku 20 di òktober na Boneiru i di 23 di òktober te ku 3 di novèmber na Kòrsou. 

Por haña mas informashon tokante e ofisinanan di servisio temporal, e enkuentronan di informashon i e webinars riba duo.nl/bezoekantillen. NOTA: Texto ta scirbi den Papiamento fonetico di Corsou. 

  • AZV: Traspaso automatic di dr Alvarez pa dr Rangel

    AZV: Traspaso automatic di dr Alvarez pa dr Rangel

    ORANJESTAD - Pa medio di e comunicado di prensa aki, Organo Ehecutivo AZV ta informa tur asegurado inscribi cerca dokter di cas Norma Alvarez Quezada cu e contracto a yega su final, conforme e stipulacion di fin di contracto. Nos ta gradici dokter Norma Alvarez Quezada pa tur cuido cu el a brinda nos aseguradonan y ta desea su persona tur clase di exito pa futuro. Pa continuacion di servicio medico, nos ta percura pa un traspaso automatico.

  • Rein Hulst di Schiphol a bira parti di Management Team di Dienst Brandweer Aruba

    Rein Hulst di Schiphol a bira parti di Management Team di Dienst Brandweer Aruba

    ORANJESTAD – Ministerio di Husticia conhunto cu Aruba Airport Authority N.V. (AAA) a anuncia cu sr. Rein Hulst, cu actualmente ta fungi como Manager of Emergency Response na Schiphol Airport, lo keda asigna na AAA y na mes momento lo keda asigna na Management Team di Dienst Brandweer Aruba cuminsando desde 1 di juli 2024. Prome cu e fecha aki, Hulst lo inicia cu algun trabou preparatorio den consulta cu Dienst Brandweer y AAA. 

  • Dolfi Richardson a keda releva di su funcion di director na NCTVI

    Dolfi Richardson a keda releva di su funcion di director na NCTVI

    ORANJESTAD – Despues di tabata den e funcion di director di Nationaal Centraal bureau Terrorismebestrijding, Veiligheid en Interpol (NCTVI) pa 6 aña y 2 luna, Adolph ‘Dolfi” Richardson a wordo releva di su cargo diabierna ultimo pa gobierno di Aruba (lesa: minister Rocco Tjon). E motibonan oficiaolmente no ta conoci, pero Richardson a confirma e informacion si pa Noticiacla. “Nan a onthef mi di mi functie. Pero mi a keda den departamento pendiente mi caso” e la bisa e portal aki dialuna. Esey ta implica cu e lo posiblemente bringa e ‘ontheffing’ aki. Segun e portal 24ora.com cu a bin prome cu e noticia, e motibo lo ta pasobra e lo no a pasa e ‘screening’ di seguridad.

  • Colegio Arubano ta celebrando 65 aña di existencia

    Colegio Arubano ta celebrando 65 aña di existencia

    ORANJESTAD - E aña ki Colegio Arubano ta celebra su 65 aniversario. Durante henter aña escolar Colegio Arubano ta sumamente activo cu diferente actividad deportivo, cultural of participando den proyectonan educativo of yudando comunidad. Tur esaki banda di e programa educativo regular di scol, e aña escolar venidero lo ta un special pa motibo cu Colegio Arubano lo ta celebrando su 65 aniversario den luna di oktober. E celebracion lo cuminsa den siman cu opening di e siman di celebracion na scol y lo culmina cu un anochi sumamente special pa comunidad di Aruba henter, caminda lo tin discuro, baile, presentacion musical di grupo di Colegio Arubano y bandanan musical popular. Tambe lo tin bar y cushina bon surti y na bon prijs. Colegio Arubano ta invita pueblo di Aruba henter pa continua apoya nos scol. Colegio Arubano su contribucion na comunidad di Aruba semper a keda uno grandi y valioso.  

  • Gobernador a condecora Nicole Hoeverz (COA) y Hendrik van Gaalen

    Gobernador a condecora Nicole Hoeverz (COA) y Hendrik van Gaalen

    ORANJESTAD - Diabierna 24 di mei, Gobernador di Aruba, Su Excelencia Alfonso Boekhoudt, a otorga na Sra. Nicole Lucia Maria Hoevertsz y Sr. Hendrikus Antonio Eldemiro van Gaalen e condecoracionnan di Officier, respectivamente Ridder in de Orde van Oranje-Nassau. Esaki a sosode awor pasobra ora cu a haci e condecoracion inicial, nan no tabata na Aruba. 

  • Gerente di Amsterdam Manor ta bati alarma (atrobe) riba situacion alarmante di RWZI

    Gerente di Amsterdam Manor ta bati alarma (atrobe) riba situacion alarmante di RWZI

    ORANJESTAD – Den un carta habri dirigi na prome minister Evelyn Wever-Croes y otro stakeholders, e gerente doño di Amsterdam Manor Beach Resort Jürgen van Schaijk a ‘bati alarma’ y pidi atencion pa e concepto di ley pa e traspaso di e trabou di net di riool, y e instalacion di kimamento, y e medida di emergencia pa evita un disaster pa cu e instalacion di Riool Water Zuiverings Instalatie (RZWI) na Bubali. 

  • Postobon
  • Powered by SETAR