- Wever Croes: Lo sinta cu TOPA riba Prestatie Management Sisteem dentro e tempo stipula
- DOW: Ta habri caminda bek na Palm Beach fin di October!
- Oduber: Cifranan di AAA ta indica cu tin un demanda fuerte pa Aruba
- Carchi ta cabando pa wak comediante Marko en bibo na Aruba
- Veld nobo di stadion Guillermo Prospero Trinidad ta wordo evalua awor
Grupo di Seroe Colorado ta bay Corte pasobra ‘no a para construccion di Secrets Hotel’
ORANJESTAD – Segun un relato di e habitantenan di Seroe Colorado diabierna, nan ta bisa cu nan, esta e habitantenan di Seroe Colorado cu ta sinti nan mes perhudica pa e proyecto hotelero Secrets, no ta acepta evaluacion di Welstandcommissie riba nan obhecionnan contra e proyecto Secrets. Segun e relato cu noticiacla a ricibi diabierna, nan ta bisa cu motibo cu no ta acepta e evaluacion di e comision mension ta ‘simplemente pa motibo cu Welstandcommissie no ta obhetivo’.
PARTICIPACION DI ARKITECTO
E relato ta sigui menciona cu e participacion di e arkitecto di Secrets den e proceso di evaluacion di e obhecion di habitantenan ta kita tur confianza den e proceso cu a tuma lugar. “Y na mes un momento kita tur confianza den cualkier otro commission di Welstand apunta di parti di Gobiernopa evalua e proyecto aki”. Segun e relacion cu noticiacla a ricibi, na promer instante mester tuma nota cu esaki ta e prome biaha cu e commission di Welstand ta duna un rapport ariba e proyecto aki.“Ariba dje, e arkitecto di Secrets siendo parti di e Welstandcommissie a forma partidi e deliberacion riba e obhecionnan di e habitantenan y na mesun momento a traha riba e conseho”. Segun e habitantenan en cuestion ta sigui bisa den e relato, econseho aki a bai pa Minister di Infrastructura y a wordo acepta tambe. “Tur esaki a sosode mientras cu propio ley di Aruba no ta permiti pa un miembro di Welstandcommissie traha riba un conseho di obhecion, ora cu ta trata di su mesun proyecto”. Segun e relato pues, Minister a tuma su decision a base di un conseho cu no tabata obhetivo. “Habitantenan como tal no por acepta esaki tampoco, pasobra aki ta papia di un conflict di interes hopi serio” e relato ta sigui bisa.”Paso ta obvio cu nunca e arkitecto lo delibera negativamente ariba su mes un proyecto y duna un conseho objetivo ariba e obhecion di e habitantenan”. Segun e habitantenan ta sigui bisa, esaki ta kita tur e balor di e objetividad di e rapport y seriedad pa cu e obhecion di e habitantenan.“ Por conclui cu na ningun momento a habri e deliberacion pa atende cu e obhecionnan y adapta e proyecto abase di e puntonan cu e habitantenan a trece dilanti. Locual a ser haci ta desbarata sin mas e obhecionnan formula, y como tal, no a trece trankilidad, ni tampoco habri caminda pa e partidonan por yega na otro, basa riba derecho di habitantenan como ciudadano”.
NO TA PARA E CONSTRUCCION
Tampoco, segun e habitantenan en cuestion, no ta para e construccion manera ley ta stipula den articulo 59 di Bouw en woningverordening. Pa tal motibo no ta keda e residentenan ningun otro opcion cu ta pa bolbe bay Corte, pa asina forsa e Gobierno pa mantene na ley. Pasobra ta Corte mes a indica cu e simple hecho cu un obhecion, articulo 59 di Bouw en woningverordening ta forsa Gobierno pa para cualkier construccion, cual na e momento nan aki no ta tumando lugar siendo cu Gobierno ta na altura cu e habitantenan a entrega obhecion contra e ultimo decision di Gobierno. NOTA: Noticiacla no por a verifica si enberdad e proyecto a wordo para manera cu ta indica aki, y cu si enberdad no a cumpli cu e veredicto di huez manera stipula.
Huez a kita cachonan peligroso di nan doñonan, y multa nan 1000 florin
ORANJESTAD – Corte diabierna atardi a trata un caso interesante, cu a resulta den un decision di huez pa kita dos cacho peligroso di nan doñonan, y a multa nan cada uno 500 florin, como castigo pa no a actua como doño responsabel di nan respectivo cachonan. Ministerio Publico a informa diabierna cu a dicidi pa trece e caso dilanti mirando e embergadura y impacto cu esaki tin riba comunidad, unda cu e keho mas grandi na Aruba aworaki, ta molester di cachonan di caya na Aruba.
Huez a bolbe rechasa libertad pa polis Vos y ta trata caso comienso di December awor
ORANJESTAD – Bou di lagrimas e agente policial R. Vos a tende di Corte diahuebs atardi, cu e mester keda cera na KIA te ora cu su caso bin dilanti dia 8 di December proximo. Huez despues di a tende tanto argumentacion di fiscal como abogado Defensor, a rechasa e peticion pa suspende su detencion te e momento ey. Vos ta sospechoso di a proveni e informacion piolicial na e periodistanan y tambe di traficacion di persona. E ta cera ya 6 luna, y awor ta confirma cu e lo keda cera pa 3 luna mas, cu ta bira un total di 9 luna, desde cu e la cay cera na maart di e aña aki.
Corte a sentencia ex hefe cahero di DIMP na 3 aña di prizon pa malversacion
ORANJESTAD – Corte diahuebs a sentencia un ex funcionario di Departamento di Impuesto, DIMP, Filomena Maduro na 3 aña di prizon, di cual 1 aña ta condicional. Huez a bisa diahuebs cu e ta haya proba cu Maduro a comete e actonan aki y cu e ta un sla formal pa tanto e departamento como e coleganan trahado. Ademas e ta viola e confiansa cu ta hinca den e trahado y cu pueblo mester por confia den un persona asina. Na final huez a dicidi cu ta cobra Maduro e suma cu e la coi di un forma illegal di e departamento pero cu esaki lo tuma lugar durante un caso fin di October proximo. Maduro tin 14 dia pa apela e sentencia si e no ta di acuerdo.
Ministerio Publico a yega na acuerdo cu sospechoso Croes den caso Flamingo
ORANJESTAD - Ministerio Publico a informa diahuebs merdia cu recientemente e la cera un acuerdo di transaccion den e caso Flamingo contra e sospechoso Humprey Anthony Croes pa un suma di Afl. 25.000. Tabata na Maart di 2022 cu e la keda deteni como e di dos sospechoso den e caso aki.
OM: Accion di Afpakteam na aeropuerto ayera, tabata pa manda ‘señal’ cu ta control constant!
ORANJESTAD – E accion cu Ministerio Publico a raporta ayera di afpakteam na Aeropuerto Reina Beatrix, ta algo cu nan lo tene regularmente di awor en Adelante. Asina vocero di Ministerio Publico Ann Angela a clarifica pa Noticiacla. Ayera a anuncia cu a controla riba tur buelo pa Republica Dominicana. Noticiacla a puntra pakico e aeroliña ey y kico e resultado tabata. “No a detene ningun hende y tampoco a confisca placa” Angela a sigura e portal aki. “E tabata mas tanto un señal” y e motibo pakico a cuminsa cu e aeroliña ey tambe tabatin su motibo. “Dicon a cuminza ey? E ta un escogencia cu a wordo haci. E intencion ta pa Afpakteam regularmente tene e tipo di accionnan aki di awor pa dilanti na airport”, Angela a finalisa bisando.
Corte: Ta trata apelacion di caso Avestruz integralmente na mei di 2024
ORANJESTAD – Corte di apelacion a reserva e di dos siman di luna di mei 2024 pa trata e caso di apelacion Avestruz. Asina e tres hueznan a informa e abogadonan di e 7 sospechosonan durante e asina yama regiezitting diamars atardi. cu ta wordo scucha un biaha mas den apelacion. Ta trata di e sospechosonan Benny Sevinger, Pieter Sussebeek, Carlo Mansur Jr, Maria Leoncita Arends, Ninuska Nuñez, Edgar (Gabby) Werleman y Curt Harms. Tur sea a apela parti di nan sentencia den e prome caso, of Ministerio Publico a apela nan sentencia. Specificamente, cuater sospechoso a apela parti di nan sentencia mientras cu Ministerio Publico a apela sentencia di tres sospechoso.
Follow NoticiaCla
