Candela grandi na Modanza a laga 3 persona herida

ORANJESTAD – Un candela grandi na un cas y un tayer na Modanza, a laga 2 persona di e cas y un bombero herida diabierna mainta. Pa motibonan ainda desconoci, un candela a cuminsa na e tayer di e cas, unda cu dos homber tabata traha riba loke ta parce colchon. E dos hombernan a purba paga e candela pero no a logra y nan a haya nan mes herida pa e candela, pa cual mester a transporta nan pa hospital. Un bombero cubriendo e candela tambe a sali herida cu un corta y mester a wordo transporta tambe pa hospital. Polis a cera tur via pa e cas pa evita mas problema. Bomberonan mientrastanto tabatin e candela grandi bou control den cuestion di mei ora y despues a sigui pa e proceso di sigui paga, esta nablussen.