Cu mayoria minimo, Parlamento a rechasa ley di RAFt

ORANJESTAD – Cu 11 voto pro y 10 voto contra, Parlamento a acepta e mocion diahuebs anochi pa rechasa e concepto di ley di RAFt cay. Cu esaki, oficialmente Parlamento a manda un mensahe cu nan no ta sostene e concepto di ley actual y cu mester negosha algo diferente. Mester menciona cu mientras cu e mayoria a vota pro e mocion, esaki ta indica cu ta un mayoria minimo di 11 voto contra 10 a haci esaki, pues cu Parlamento ta dividi riba e tema aki. E otro mocion cu tabata importante tabata esun cu oposicion a entrega, pidiendo pa vota pro pa e concepto di Ley prome cu 10 di October, cu ta e fecha riba cual e debe ta vence y riba cual lo mester a paga bek. E mocion ey a keda rechasa cu 5 voto pro y 16 contra.