Presidente di federacion di futbol Spaño oficialmente demanda pa agresion sexual

MADRID – Ministerio Publico Spaño a demanda presidente di federacion di futbol Spaño Luis Rubiales pa ‘agresion’, pa e sunchi riba boca di e capitan di seleccion femenino di futbol Spaño. Ta considera e sunchi como un tipo di aggression sexual.  E demanda ta bin dos dia despues cu e hungador a pidi e Ministerio Publico pa persigui Rubiales. E la declara tabe cu e y su  famia a wordo poni bou di presion pa Rubiales y su coordinadornan pa bisa cu Rubiales a sunchi e cu consentimento y cu ta e hungador a haci e intento inicial. Como tal OM Spaño ta keha Rubiales pa ‘ehercisio di coercion’. Sin e demanda di Hermoso, OM Spaño no por a cuminsa un investigacion penal contra Rubiales. Si haya Rubiales culpable, e por haya un castigo di prison di entre 1 pa 4 aña. E homber y muhernan di e seleccionan nacional y tambe gobierno Spaño a exigi pa Rubiales retira. E federacion mientrastanto a suspende, mientras cu FIFA mes a suspende pa 3 luna.