Na Corsou, gobierno a nombra tres ex premier como ministernan di estado

WILLEMSTAD- Den un seremonia ayera nochi a nombra tres èks lider polítiko di Antia komo ministernan di estado. Ta trata di señora Maria Liberia Peters, señor Dominico Martina  i señora Emily de Jongh Elhage. Ku presensia di presidente di Staten sra. Charetti Amérika, promé minister Pisas, ministernan Cooper, Hato, Martina, Cijntje i van Heydoorn a duna homenahe na e personanan menshoná. E nombramentu aki ta komo muestra di gratitut pa e amor i dedikashon ku nan a sirbi nos dushi Kòrsou. Nan nombramentu ta pa trabounan meritorio ku nan a desplegá durante ehekushon di nan funshon komo gobernantenan di nos pais. Pa sr. Don Martina tabat’ei su yu hòmber ku a remplasá i ku tabatin e honor di a tuma e rekonosementu aki. E dos damanan, èks promé ministernan di Antia sra. Liberia Peters i sra. de Jongh Elhage tabata un plaser pa nan a tuma nan rekonosementu. E seremonia a tuma lugá den patio patras di Renaissance Wind Creek Resort. Riba e fotonan momentu di e rekonosementunan. NOTA: E texto ta scirbi den Papiamento fonetico di Corsou.