Avion a bolbe Merca despues cu pasahero a haya diareah den henter e avion

ATLANTA – Un piloto di e aereoliña Mericano Delta mester a haci un aterisahe di emergencia na Atlanta, despues cu un pasahero a haya diareah abordo y a literalmente plama e diareah den henter e avion. E piloto a raporta cu e tabata un emergencia y a considera e situacion como un problema di riesgo biologico. E buelo 194 tabata na caminda di Atlanta pa Barcelona diabierna ultimo y a lanta buelo pa 8’or y mei di anochi. Pero dos ora, e buelo cu mester a dura originalmente 9 ora, a bolbe mesora. “Nos a haya un pasahero cu tabatin diareah den henter e avion, pues nan kier nos bolbe pa Atlanta” e piloto a bisa e toren di control, indicando ademas cu e tabata un peliger biologico. Oficialmente, e aeroliña a bisa solamente cu e buelo mester a bolbe Atlanta pa un asunto ‘medico’. “Nos ekipo a traha mas liher y sigur posibel pa despacha nos clientenan pa nan destinacion final. Nos ta pidi disculpa sincere na nos clientenan pa e retraso y e inconveniencia causa pa nan planan di biahe”, e aeroliña a sigui bisa.