Hulanda a propone Eugene Rhuggenaath pa lidera Wereldbankgroup na Merca

DEN HAAG – Ex premier di Corsou Eugene Rhuggenaath a wordo proponi pa Conserho di minister di Reino pa bira hefe na Wereldbankgroup . Rijksministeraad a duna minister di Finanza di Hulanda  Sigrid Kaag y di Comercio Internacional pa haci e proposicion na nomber di Reino Hulandes. Rhuggenaath actualmente ta e presidente di Raad van Toezicht di Pensioenfonds Caribe Hulandes y ultimo lunanan a forma parti di e Taskforce pa atende e problemanan den Caribe Hulandes.  

Dhr. E. P. Rhuggenaath ta sigui Koen Davidse cu e ultimo 5 aña a asumi e funcion ey, cu awor ta bira e director general di maneho na ministerio di Defensa. E nombracion di Rhuggenaath ta bira definitivo despues cu otro paisnan envolvi tambe aproba e candidature. E por cuminsa na November pa periodo di 5 aña. Rhuggenaath tabata premier di Corsou entre 2017 y 2021 y prome cu esey minister di Deporte, Cultura y Enseñansa y tin pues 10 aña experiencia den maneho gubernamental y n abanda, e tin hopi experiencia den sector comercial .