Cantidad di turista Brasilero pa Aruba a surpasa nivel pre pandemia

SÃO PAULO – Cifranan fresco y prometedor a keda publica pa Oficina di turismo di Aruba na Brazil diahuebs, durante un e=vento cu a celebra e rutanan nobo di Latam desde Peru pa Aruba entrante December proximo. Den un entrevista cu e portal M&E, e director di ATA Brazil  Carlos Henrique Barbosa a revela cu e movimiento di Brasileronan pa Aruba ya a supera e nivel pre pandemia, impulse pa mas buelo y un oferta hotelero cada bes mas diversifica y completo.  E cifranan ta mustra cu e cantidad di Brasilero pa Aruba a crece cu 60% entre januari pa juli 2023, compara cu e mesun periodo di 2022, y un 16% compara cu 2019 prome cu e pandemia. E aumento a bin entre otro cu e aumento di stul di Copa Airlines y Avianca, y awor cu buelonan directo desde Lima. E hecho cu a premia Eagle Beach como e beach mas premia di Caribe, y e apertura di Embassy Suites, y na caminda Iberostar, Barbosa ta mustra cu cos ta mustra bon pa e mercado Latino.