Stichting Musica: Fechanan pa ACSM Music Fest 2024 ta conoci!

Posted on 08/31/2023 9:22 am AST | Updated on 08/31/2023 11:50 am AST

ORANJESTAD - Diamars atardi na The Venue den presencia di organisadornan, sponsors, medionan di comunicacion y musiconan, Stichting Musica a anuncia su actividadnan pa e siguiente ACSM Music Fest 2024. Den preparacion pa Carnaval 70, Stichting Musica a trece un tremendo secuencia di evento cu e lema; “Caminda pa calypso y roadmarch 2024”.

For di aña 2013 Stichting Musica ta e organisador di e “Aruba Caiso & Soca Monarch” festival. Un biaha mas e fundacion ta den pleno preparacion pa Aruba su Carnaval 70 y lo organisa e festival den un forma inovativo y moderno.

E pre-finalnan di e Soca Roadmarch lo tuma luga riba dianan 7, 8 y 9 di november 2023 na “The Venue”. Tur anochi prefinal lo cuminsa pa 8’or di anochi. Riba dia 11 di november 2023, e dia tradicional “11-11” cu ta e inicio di Carnival Season, lo anuncia e finalistanan cu lo competi den e gran“Super Saturday” finals.

Tur prefinal lo wordo transmiti via di live streaming. Pa e competencia aki lo huzga 2 categoria den genero di Soca cu ta: 1. Groovy Roadmarch (125 pa 140 bpm) y 2. Power Roadmarch (136+ bpm). Participantenan por scoge nan categoria of por participa den ambos. E competencia final lo tuma luga riba dia 27 di januari 2024. Durante e “Super Saturday” finals, Aruba lo conoce 2 Monarca; e Power Roadmarch Monarch y e Groovy Roadmarch Monarch.

E “Calypso Monarch Show”, cual ta e competencia den e genero di Calypso, lo tuma luga riba diabierna 26 di januari 2024 y lo no tin prefinal. Asina dunando oportunidad na cantantenan Arubiano di Calypso cu ta biba den exterior pa tambe competi pa bira e Calypso King.

Inscripcion pa ACSM Music Fest cu su lema “Caminda pa Calypso y Roadmarch 2024” ta habri diabierna 1 di september te cu 30 di september 2023. E aña aki atrobe inscripcion lo ta den forma digital via di e link cu musiconan lo ricibi via di e-mail. Na momento di habri e link lo haya tur informacion necesario pa inscripcion. E-mail pa peticion pa participa ta [email protected]

Stichting Musica ta hopi contento con e reunionnan y preparacionnan a cana conhuntamente cu e musiconan y cu entusiasmo ta sigui cu e preparacionnan pa e prefinalnan. Masha danki tambe na tur nos sponsornan cu a mustra nan sosten un biaha mas na e magno evento aki cu ta ACSM Music Festival.

Bucuti & Tara Beach Resort a Celebra Housekeeping Week cu Premionan y Reconocementonan Special
(ADVERTORIAL)
Mas Social
Lesa Mas
MUSICA: Registracion pa e Prefinals di ACSM2024 ta canando segun expectativa
ORANJESTAD – E registracion pa e Prefinals di ACSM2024 ta canando segun expectativa. Asina Stichting Musica a bisa. Un di e metanan cardinal di Stichting Musica ta pa inova y mehora tur aspecto relata na e organisacion di e festival musical “Aruba Caiso & Soca Monarch” (ACSM). Esaki ta inclui e forma di comunica cu musiconan, cualnan ta e curason di e festival.
Mas Social
Lesa Mas
Jeon a lansa su cancion cu video clip mas recien ‘Miss Dior’, graba na Hulanda
ORANJESTAD – Recientemente e cantante internacional pero yiu di tera Jonathan Thiel, conoci como Jeon, a lansa su cancion di mas recien cu a wordo graba na Hulanda - "Miss Dior". Den Jeon su ultimo summer tour, Jeon a traha cu diferente artista, productor y musico. Diferente oportunidad a presenta y un di nan tabata pa graba riba un rooftop cu full un setup live Sigur esaki tabata un experiencia magico pa cada persona presente, presentando e cancion di "Miss Dior" en bibo cu un view espectacular! produccion aki . Por spera hopi mas produccion y proyectonan di Jeon na caminda. Pa wak e video clip, click AKI.
Mas Social
Lesa Mas
Jeon a divulga den Noticiacla LIVE kico ta su deseo di mas grandi!
ORANJESTAD – Cantante internacional di Aruba ‘Jeon’ su deseo mas grandi ta pa e por presenta durante e show di halftime di Superbowl na Merca. Asina e artista orguyo di Aruba a bisa e periodista Tito Laclé den e programa Noticiacla LIVE diahuebs anochi. Mientras cu Jeon a toca p.e. dilanti un publico di 80 mil hende na Texas, a toca por lo menos 4 biaha den Maddison Square Garden na New York, presenta durante e halftime di e wega mas grandi deportivo di Merca, e final di futbol Mericano, esta Superbowl e lo considera su logro di mas grandi. Pero e kier haci esaki su so, como Jeon. E ta cla pa cuminsa traha riba su mes aworaki, aunke cu e la colabora y yuda cu varios artista grandi, cuminsando cu J Balvin cu a dun’e su break grandi, y e la traha cu otro artistanan manera Nicky Jam y mas. Pa wak e entrevista completo, click AKI.
Mas Social
Lesa Mas
Conocido artista local y internacional Jeon ta den Noticiacla LIVE awe
ORANJESTAD – E conocido artista local y internacional Jonathan Thiel miho conoci como ‘Jeon’, ta invitado den e programa Noticiacla LIVE awe nochi 9’or riba Plataforma di Noticiacla. Durante e programa aki e lo trata su bida artistico, logronan, retonan y tur loke ta move den su mundo. Un entrevista cu sigur bo no kier perde. Awe nochi 9’or pues bo tin un cita cu Jeon riba Noticiacla LIVE.
Mas Social
Lesa Mas
Comediante viral Marko ta yega Aruba pa splica dicon muhe ta manda mundo
(ADVERTORIAL)
Mas Social
Lesa Mas