Otro siman Hulanda ta dicidi si ta sigui trata RAFt of lag’e pa proximo gobierno

DEN HAAG – Otro siman Hulanda ta dicidi si ta sigui trata RAFt  pa Aruba of si ta lague pa e proximo gobierno. Awe Tweede Kamer a publica e lista di dossier potencial controversial, riba cual ta aparece tambe e refinanciamento di Covid19. Otro siman diaranson Tweede Kamer ta trata e lista aki y ta dicidi ta declara nan como temanan ‘controversial’ pa cual tin cu pone e temanan aki un banda, of si ta trata nan. Un otro nomber ta ‘lopende zaak’, manera nos conoce na Aruba. Ora cu un gobierno cay of bay cas, e gobierno cu bira demisionario, por trata solamente ‘lopende zaken’ of den e caso aki, temanan ‘no controversial’. 

PENSAMENTO DI VAN HUFFELEN 

Recientemente secretario di estado Hulandes Alexandra van Huffelen a bisa cu e no ta kere cu e ta bira algo controversial, pa cual lo sigui tratamento di tanto e refinanciamento di e debe, como RAFt. Siman pasa diabierna e la manda un carta pa Tweede Kamer pa trata e temanan liher, pa asina por aproba e refinanciamento pa e islanan Aruba, St Maarten y Corsou prome cu e fecha di 10 di oktober 2023 cu ta e fecha riba cual e debenan ta ‘matura’. Cu otro palabra cu esey ta e fecha riba cual lo mester a cuminsa paga e debe bek. Hulanda a ofrece e islanan en cuestion refinanciamento, pero entre otro Aruba no ta cla cu su situacion pa Hulanda por dicidi kico ta pasa. A pone e fecha di 1 september awor (diabierna entrante) pa Aruba dicidi. Si no dicidi, e ora Hulanda ta aplica e oferta di refinancia, pero contra un interes halto di entre 6 pa 8%. Wak e lista completo unda cu ta aparece entre otro e ley di RAFT, AKI