Horcan Idalia a subi tera na Florida como categoria 3 y haci basta daño

TALAHASSEE – Horcan Idalia a subi tera na Florida como categoria 3 awe mainta y a causa basta daño structural y di awa debi na e forza di e horcan. Mientrastanto e horcan a degrada un categoria tanten cu e ta sigui su trayecto riba tera. E daño mas grandi tabata di biento fuerte cu a benta hopi palo abou, y olanan halto a subi tera y inunda varios parti di e costa rapidamente. Ya algun dia prome e estado ta bou di estado di alerta cu ta permiti autoridad usa fondo y material pa prepara pa e yegada di e horcan. Na caminda pa Florida, e mesun horcan a subi tera brevemente na Cuba causando casi 10 cm di awacero cu e inundacion consecuentemente.  Como 10 mil persona a keda evacua pa lugarnan mas sigur di e isla. No ta conoci si tabatin morto.