Miss Aruba 2022 Kiara Arends a uni cu actual Miss Universo riba barco Crucero Carnival Vista

ORANJESTAD – Miss Aruba 2022 Kiara Arends recientemente a participa hunto actual Miss Universio R’Bonney Gabriel y miss Universo El Salvador Alejandra Guajardo Sada den un celebracion di Dia Di Igualdad di Hende Muher riba e barco crucero Carnival Vista, na Galveston Texas, hunto cu e capitan Claudio Bozzo. Dia di Igualdad di Hende muher ta celebra y honra e moviento di voto di e dama y ta reconoce e bareranan cu e ser femenino mester a surpasa den direccion di igualdad y progreso. E motibo cu a scohe Carnival, ta pasobra nan ta enfoca riba diversificacion, igualdad y inclusion pa varios aña segun Christine Duffy, presidente di Carnival Cruise Lines. E siman aki Gabriel, Arends y Guajardo lo participa den varios evento mientras cu nan ta riba e crucero, incluyendo e baile di Groove for St Jude, un evento pa recauda fondo pa e socio di hopi tempo di e crucero, esta St Jude Childrens Research Hospital. E tres damanan lo disfruta tambe di excursionan riba tera na Mahogany Bay, Isla Roatan, Belize City, Belize yCozumel, Mexico.