Rijksministerraad: Aruba, Corsou y St Maarten ta haya mas aña pa paga debe di Covid19 bek

DEN HAAG – Den Rijksminister Raad awe mainta, a bay di acuerdo pa duna Aruba (y St Maarten y Corsou) mas tempo pa paga e debe di Covid19 bek, y cu esaki kier men, cu e isla ta haya mas aña pa paga esaki bek. E debe di e islanan incluyendo Aruba, ta vence dia 10 di oktober proximo . Secretario di Estado van Huffelen a manda un carta awe mainta pa Tweede Kamer unda cu e ta pidi pa e tempo extra pa e paisnan por paga esaki bek.

INTERES ABOU

Pa por goza di e interes abou, e paisnan mester cumpli cu algun rekisito cu pa cada isla ta diferente. Aruba mester firma e Rijkswet Aruba Financieel Toezicht, pa por bin na remarke pa esaki. Den un entrevista cu Noticiacla awe mainta, e secretario di estado a confirma cu Aruba tin te 1 september pa yega na un acuerdo.