Potret di prizon di Ex presidente Mericano Trump, por bira su potret mas ‘famoso’

ATLANTA – E potret di ex presidente Mericano Donald Trump saca na prizon di e condado di Fulton na Atlanta, estado di Georgia, por bira su potret di mas famoso. Asina criticonan mediatico ta bisa. Diahuebs anochi e ex presidente Mericano a entrega su mes na a prizon, a keda deteni y mester a registra como un prisonero normal, completo cu number. Como tal, e biaha aki, diferente na e tres otro biahanan cu e mester a entrega su mes pa cargonan similar den otro estado, e mester a saca e potret ‘famoso’ di prizon, conoci como ‘mugshot’. E por a bandona e prizon despues di 20 minuut debi cu e la paga e fiansa di 200 mil dollar (of parti di dje) y recobra su libertad condicional. E potret ta uno historico den sentido cu nunca antes un ex presidente di Merca mester a saca un potret asina. Ulysses Grant den 1872 a yega cerca di esaki, ora cu e la wordo gara ta core mucho duro den su ‘garoshi’ den cayanan di Washington. Tambe tabata peculiar cu ta Trump su mes tabata prome pa comparti e potret ey.