Fundacion nobo CAESRF ta pa investigacion aplica estableci na Aruba

ORANJESTAD – Recientemente a ser incorpora na oficina di notario Rodriguez-Taekema e fundacion nobo cu nomber Caribbean Applied Engineering and Science Research Foundation, estableci na Aruba.

E obhetivo di e fundacion ta:

-        promove investigacion di calidad halto, stimula investigacion den area specifico pa beneficio di sociedad;

-        investigacion aplica y orienta riba practica pa e transferencia di conocimento y e desaroyo di conocimento y tecnologia pa empresa chikito y mediano y industria, y

-        desaroya un base di apoyo y un infrastructura di investigacion pa ciencia, investigacion cientifico na Aruba y e colaboracion cientifico entre stakeholders relevante na Aruba,  Union Europeo y e region di Caribe y Latino America.

Pa logra su obhetivo, e fundacion ta haci lo siguiente:

-        realiza investigacion den instituto di investigacion bou propio maneho of den colaboracion cu otro instancia;

-        organiza conferencia, congreso y tayer cientifico, destina pa trata cuestionan (social) internacional, basa riba investigacion multidisciplinario, interdisciplinario y intersectorial y e colaboracion entre investigacion fundamental, aplica y orienta riba practica;

-        organiza, apoya y stimula actividad, evenemento, reunion y proyecto destina pa crea conexion entre ciencia, sociedad y e comunidad empresarial;

-        inicia, desaroya y (co)maneha infrastructura y instalacion tecnico pa investigacion fundamental, aplica y orienta riba practica, transferencia di conocimento y desaroyo di conocimento y tecnologia y

-        inicia, desaroya y maneha science and technology parks na Aruba.

Ademas di e miembronan acustumbra den un directiva, e directiva di e fundacion cu te hasta siete miembro ta conoce un coordinador di investigacion encarga cu maneho di e comision pa investigacion pa elabora vision, strategia, temanan central di investigacion y area di investigacion, y tambe tin un comision pa ciencia, sector priva y sociedad y un comision pa infrastructura tecnico y instalacionan technico.

E directiva ta encarga cu e realizacion di investigacion aplica y orienta riba practica, sea internamente o dor di tercer partido den e contexto demarca pa programa di investigacion estableci y por establece instituto pa un período defini of indefini. drenta den of establece asociacion cientifico (sea den forma di instituto of no) y crea fondo pa apoya investigacion realiza pa tercer partido.

E fundacion ta conta cu un Comite Cientifico Asesor Internacional, cu tin como meta asesoria riba e strategia cientifico, e interpretacion di e vision, mision y programa di investigacion di e fundacion for di un perspectiva internacional.

Investigacion realiza internamente o pa tercer partido bou supervision di e fundacion of di su institutonan ta someti na codigo di conducta acepta internacionalmente y normanan prescrito of acepta internacionalmente pa e integridad di investigacion, en particular pa e maneho, organizacion y responsabilidad financiero di investigacion realiza, publicacionan cientifico y propiedad intelectual inherente na of deriva di investigacion.

E fundacion ta registra na Camara di Comercio como un instituto di investigacion di biotecnología, pero en termino mas general ta enfoca riba:

1.      Awa y sanitacion, energia renovable y adaptacion climatico

2.      Agricultura, seguridad alimentario, seguridad pa consumo di cuminda y conservacion di biodiversidad

3.      Salud y ciencia di bida y biologico (bio and life sciences)

4.      Infrastructura di telecomunicacion, informacion y tecnologia y inteligencia artificial

E directiva ta consisti di Milton Ponson (presidente y coordinador di investigacion), Montsy Brouns (secretaria). Patricia Portier (miembro di directiva), Kirby Barrera (miembro di directiva) y Marina Silva (miembro di directiva).

Pa e creacion di e prome programa di investigacion multiannual, lo hiba conversacion cu gobierno, industria y actornan den e ambito cientifico e proximo lunanan, tanto na nivel local como internacional, y organiza reunionan introductorio pa e comunidad empresarial y publico en general. Pa mas informacion por