Francis Saladin (CUA) ta papia riba reaccion di gobierno riba Facebook

ORANJESTAD – E relacion entre gobierno y gremionan comercial no semper ta bon, pa no bisa cu e ta malo. Y cu rednan social awendia, esaki ta mucho mas publico y visible. E gobierno actual tin custumber di expresa su mes riba Facebook, dunando comentario y sigur tambe critica ora cu nan no ta di acuerdo cu algo. Un di e personanan cu ta hopi activo cu esaki, ta minister di finanza Xiomara Maduro. Recientemente e mandatario a reacciona riba un post di e vice presidente di e gremio Comerciantenan Uni di Aruba (CUA), Francis Saladin. Den e programa Noticiacla LIVE, Saladin a haya e pregunta kico e relacion ta aworaki entre gobierno y CUA, y con tin cu interpreta e tipo di comentarionan aki.