Ecuador ta bay pa di dos buelta di eleccion presidencial entre Gonzalez y Noboa

QUITO – E eleccion presidencial di Ecuador e weekend aki a conduci cu mester tin un di dos buelta, entre e candidatonan  Luisa González, sosteni pa ex presidente  Correa, y Daniel Noboa, yiu di un magnate di e negoshi di bacoba. Cu casi 3 kwart di e votonan conta, Gonzalez ta na cabes cu 33% y Noboa ta riba 24%. Pa gana e eleccion, e candidato mester di 50% di e votonan of minimal  40% cu 10% di adelanto riba e siguiente candidato. Esey no ta e caso cu ta pone cu e proximo eleccion lo ta dia 15 di oktober proximo.