Ex miembro di CDA Pieter Omtzigt a landa propio partido pa participa na eleccion Tweede Kamer

DEN HAAG – Ex politico di partido CDA Pieter Omtzigt ta participa na e eleccion pa Tweede Kamer dia 22 di November proximo, cu su propio partido. Esey e la participa den e diario Tubantia. Su partido yama  Nieuw Sociaal Contract.

Omtzigt tin un programa di partido caba, pero ainda no tin candidato. “Nos ta den comberascion cu hende, pero no por comparti nomber ainda” e politico a bisa. E tin te 9 di oktober pa entrega e lista di candidato.  Omtzigt a separa di partido CDA na juni 2021 y tabata den Tweede Kamer como parlamentario independiente. E tin un achterban grandi y por conta riba hopi asiento. E ta compronde cu tin un expectativa cu e lo bira grandi lihe, pero esey e ta considera como iresponsabel. E kier crece lentamente pasobra historia a mustra kico ta pasa cu partidonan cu crece mucho lihe, usando LPF y Forum voor Democratie como ehempel. E nomber di e partido ta e mesun titulo di un buki cu e la publica na 2021.