Polis di rango halto suspendi, despues di causa accidente

ORANJESTAD – Un hefe halto di polis a keda suspendi despues di a accidenta cu un auto dfi servicio diabierna anochi. Esaki por lo menos ta e version ‘oficial’ di hefe maximo di polis Ramon Arnhem. Ta trata di e polis Kenneth P cu a dal su auto den un otro auto staciona na Bakval. Otro medionan ta raporta cu e polis a supla y a keda registra como oficialmente intoxica pero cu no a keda deteni. Den un declaracion oficial di polis sinembargo no ta haci mencion di esaki. “Nos ta lamenta e sucedido di awe madruga pa loke a pasa e colega  como tambe e otro coleganan cu tabata na e sitio” e informe oficial pa prensa a bisa.”E caso aki ta wordo tuma na serio”. Sinembargo ningun momento ta papia cu e polis a test pa alcohol y cu e la surpasa e limite. Segun otro medionan cu tabata na e sitio, e polis lo a nenga pa keda deteni y mas bien a pidi pa ambulance como cu e lo tabatin dolor. E informe oficial ta papia si di “cu como polis nos ta mester duna un bon ehempel pa e comunidad. Vooral den funcionan cu ta rekeri esaki”, e raportahe oficial a sigui bisa.

REACCION RABIA DI COMUNIDAD

Ta logico cu e reaccion riba e suceso no a registra bon cerca comunidad y riba rednan social, sigur no pa e comportacion di e polis di rango halto aki. Y aki tambe e raportahe oficial no por a bira cara p’e.”Nos ta compronde tambe e sentimiento y emocion rond di e sucedido aki”, e raportahe como reaccion di e alto comisario Arnhem ta sigui bisa. Mientras cu no ta bisa textualmente si a detene e polis y cu a suspende e persona aki, e ta bisa si cu “ Nos lo actua transparente y consecuente”.

SUSPENDI Mientras cu e relato oficial no ta papia di suspension, e ta bisa esaki :”Mando policial a tuma medidanan interno pa cu e colega envolvi den e caso aki” y cu “den colaboracion cu Ministerio Publico a cuminsa un investigacion. “ Segun e relato, esaki tabata  pues palabranan di altocommisario di polis sr Ramon Arnhem.