Lider nobo di VVD, Yesilgöz no ta exclui traha cu PVV di Wilders

DEN HAAG – Lider nobo di partido politico Hulandes VVD,   Dilan Yesilgöz no ta exclui traha hunto cu partido PVV di Geert Wilders. E kier mira prome kico Wilders ta bin cu ne, y ta referi na un declaracion recien di e politico controversial cu a bisa cu ta tempo pa pasa riba cada un su ego personal. Desde cu e intento pa traha hunto den un gabinete cu lo a tolera PVV a fracasa na 2010, Rutte, e actual prome minister a nenga di traha hunto cu Wilders. E successor di Rutte no kier cera e porta aki awor. 

CDA SI NO KIER TRAHA CU WILDERS

Di otro banda, lider nobo di CDA Henri Bontenbal si a bisa caba cu e no ta traha ni cu PVV ni cu FvD. “Mi ta exclui nan. Nos lo no traha den un coalicion hunto cu PPV y Forum voor Democratie, tampoco den un gabinete construi cu tolerancia”. Actualmente CDA ta forma parti di e gabinete Rutte 4.