Na Corsou, menor di 12 aña tras di stuur ta acidenta den palo di lus y cura di cas

WILLEMSTAD - Ayera polis, ambulans i unidat di brantwer mester a bai Welatinaweg pa un aksidente grave ku a tuma lugá.  Esaki relashona ku un vehíkulo ku a kore bai pega den un palu di lus ku ta keda nèt na un  kura di un kas, kousando basta destrukshon. Banda di esaki e palu di lus a bin abou poniendo ku koriente a bai den bisindario i tambe un pipa di awa ku a kibra ku e konsekuensia ku awa a kuminsá kore tur kaminda den e bario.

E loke mas a hala atenshon ta ku e esun ku tabata manehá e outo, ta un menor di edat di apénas 12 aña. Huntu kuné tabatin un okupante ku a risibí bastante sla. Parse ku e shofùr hóben aki a spanta i Sali kore bai pero despues a regresá e sitio di aksidente.

Debí na e impakto fuerte, bomberonan mester a kòrtá parti di e outo, pa asina saka e okupante di e outo.

Mirando nan situashon, ambulans a bai ku tur dos pa departamento di emergensia na CMC pa tratamentu médiko mas avansá. No ta konosí outo di ken e menor tabatin, ni kon bini e tabatin e vehíkulo.

Forensys i polisnan di departamento di tráfiko tambe a presentá na e sitio pa hasi investigashon.NOTA: Texto ta scirbi den Papiamento fonetico di Corsou.