Barco crucero na caminda pa Aruba a rescata tripulantenan riba boto den problema

MIAMI – E barco crucero Mardi Gras di Carnival Cruise Lines na caminda pa Aruba, dialuna marduga a rescata un tripulantenan riba un boto pega na Bahamas. Guarda Costa Mericano a pidi e barco pa asisti despues di a haya e yamada di auxilio di un boto no identifica. E barco a caba sali di e haf di Port Canaveral pa cuminsa un crucero di 8 dia den sur di Caribe, cu Aruba como su prome destinacion. E barco mesora a cambia di ruta y a cuminsa participa den e mision di rescate, mas o menos 30 miya di Castle Island di Bahamas. Despues di un busqueda di 2 ora, e barco crucero a saca su boto di rescato y un di su botonan salbabida y a logra rescata dos ciudadano Mericano. No a duna mas informacion di e caso, pero cu tur cos tabata bon y cu e dos personanan a keda rescata. E barco ta programa pa yega Aruba diamars mainta.