Otmar Oduber: ‘Hendenan cu mi mes a pone rond di mi, a perhudicami’

ORANJESTAD – ‘Hendenan cu mi mes a pone rond di mi, a perhudicami’, tabata palabra di ex minister Otmar Oduber diahuebs anochi den e programa Noticiacla LIVE cu moderador Tito Laclé. E tabata referi na un persona specifico den e caso aki ex colega di partido POR, ex minister Marisol Lopez Tromp. Segun Oduber, pa un racha, un denuncia falso a wordo haci contra dje door di Lopez Tromp. E declaracion cu e la haci tabata riba pregunta di Laclé di ki les e la siña den politica y pa e no comete e fayo ey mas. Y ta trata di confia hende rond di dje. “E les cu mi a siña ta, pa no confia esunan cu ta mas cerca dimi” Oduber a bisa. E la bisa cu door di haci su cosnan corecto, e por evita hasta si tin hende cu ta traicione, cu e tin pruebanan suficiente y suficiente instrumento pa demonstra su Inocencia. E ta mustra cu aworaki cu tin caso contra dje, no tin un director di departamento cu por a bisa cu e la haci algo malo y e lo tin su tempo den corte pa prueba tur loke a wordo bisa contra dje. 

NO TA TRAHA NUNCA MAS CU MARISOL

Tabata obvio den e programa cu e tin Lopez Tromp aden, y ora cu despues Laclé a puntre si e lo traha cu partidonan politico actual y si tin cu e no ta traha cu ne, e la bisa cu e lo traha hasta cu AVP, si nan cambia nan forma, pero cu e unico excepcion ta e partido di Marisol Lopez Tromp, esta partido MAS, pasobra cu ne sigur e lo no kier traha nunca mas. Click AKI pa wak e declaracion di e parti ey den e programa