Exportacion for di Venezuela pa islanan ABC a alcansa mil tonelada

CARACAS – Exportacion di producto pa islanan Aruba, Bonaire y Corsou a alcansa mil tonelada desde cu e frontera maritime a habri bek. Asina e secretario di economia productivo y exportacion, di estado Falcon, Sergio Quintero a bisa, dos luna despues di e reapertura. E la indica cu te na e momento aki, tin 8 embarcacion cu a realisa e intercambio comercial pa e islanan. E grandinan cu capacidad di 40 pa 60 tonelada tabata cuater barco y esunan cu capacidad mas chikito di 7 pa 8 ton, tabata tres y pa traslado di pisca, tabatin uno cu capacidad di 6 ton. E isla cu a ricibi mas mercancia ta Corsou. Mes momento a sigura cu e ritmo aki, por yega e comercialisacion di entre 15 pa 20 barco den e transito prome cu fin di e aña aki. E demanda mas grandi ta pa fruta, berdura, banana, awakati y melon y mas.