Meteo a emiti aviso pa calor excesivo pa e temporada aki

ORANJESTAD - Servicio meteorologico a emiti un aviso pa calor excesivo, debi cu nos ta acercando e part di mas calor di aña. Segun METEO, nos ta acercando e temporada di aña cu lo bai sinti mas calor cu normal cu ta e lunanan di augustus, september i October

MALESTAR

Un combinacion di temperatura halto y porcentajenan halto di humedad ademas di un biento de vez en cuando menos fuerte cu normaal lo pone cu por sinti malestar. Temperaturanan maximo di e siguiente lunanan lo por oscila di 34°c (93 f) pa 36°c (97 f). Porcentahe di humedad den 85 te 90% of mas, lo contribui na un indice di calor (temperatura aparente) rond di 43° c (109 f) te 46° c (115 f) cada dia.

TEMPERATURA TA KEDA HALTO

E calor y humedad halto lo no baha mucho anochi cu temperatura bahando solamente te un minimo di 28°c (82 f) te 29°c (84 f). Esaki lo aumenta e peligro pa hendenan cu no por haña un lugar adecua pa refresca nan curpa.

ASESINO DI TEMPO

Calor excesivo segun METEO ta e asesino di tempo nr. 1. Hende mester ta prepara pa e peliger cu calor excesivo ta ocasiona.  Mucha chikito, hende grandi y hende cu malo di curazon ta esnan mas expone. Limita actividad pafo di cas pa oranan trempan di mainta of ora solo baha. si bo tin un airco huzele, of a lo menos habri bentana pa laga aire pasa y circula.

ACCION DI PRECAUCION

Un aviso pa calor excesivo ta nifica cu un periodo di temperatura halto ta wordu spera. E combinacion di temperatura y humedad halto lo combina pa crea un situacion den cual  malesa causa pa exposicion prolonga na temparatura halto lo por presenta. bebe hopi likido, keda den camber cu airco. Keda aleha for di solo y ademas bisti paña licht di color preferiblemente blanco.