Na Corsou e compania nacional di recohe sushi, Selikor ta keda plat!

WILLEMSTAD - Trahadónan di Selikor, miembronan di BTG a disidí ku nan ta keda den akshon te ora kambia e desishon kontra di e tres trahadónan di “uitzendbureau”. A komprondé di presidente di BTG sr Frensley Sille ayera atardi, miéntras tabata sperando e kaso den korte ku gerensia di Selikor lo a bisa di ta entamá kontra di nan.

Trahadónan di Selikor a lanta ayera mainta i pone trabou abou i blòkia e kaya ku ta keda dirigí pa OW/Keuringslokaal i Selikor. E presidente di sindikato BTG, sr. Sille ku ta representá e trahadónan di Selikor a indiká ku tin mal kontentu ku desishon di gerensia pa no prolongá kontrakt di trahadónan di ‘uitzendbureau’.

Ta trata di tres trahadó di kual 2 tin 3 aña trahando i unu tin 4 aña trahando den rekohé shushi pa Selikor. For di siman pasa e trahadónan aki no a keda di roster pa traha. Nan a keda warda te e siman aki i awor ta tende ku no tin mester di nan. I pa kolmo ta bisa e trahadónan pa nan warda kisas dos pa tres luna i lo yama nan bèk.

Sr Sille a bisa ku e ta lamentá e tipo di proseder aki. Ta informá awor ku no ta sigui ku e trahadónan, awor ku e chèns a yega pa nan drenta servisio di Selikor, pasobra nan a haña un “mal beoordeling”. Si nan “Beoordeling” tabata malu kon ta posibel a keda tene nan tur e tempu i awor ta lanta bisa nan ku ta pa e motibu ei no por tuma nan.

“I e loke nos ta kuestioná ta kuater aña largu, for di COVID tur a traha tur dia i despues di 3 i 4 aña ta bisa ku no por tuma nan. Ta inaseptabel.  NOTA: Texto ta scirbi den Papiamento fonetico di Corsou.