Rampenbureau: Ola tropical por trece awacero cu lamper y strena pa Aruba

ORANJESTAD – Un ola tropical desorganisa ta moviendo den direccion di Caribe segun Oficina di Calamidad di Aruba a raporta diamars. E ta trata di un ola tropical cu dialuna ainda tabata ubica 57 grado west, un poco   oost di e islanan di Barbados y Trinidad. E sistema segun e oficina, ta moviendo den direccion west  cu 15 pa 20 nudo cu un area di awacero y mal tempo moviendo su dilanti. No ta spera desaroyo di e sistema aki mas, y aunque mayoria di weer lo pasa noord di Aruba ta spera algun yobida durante proximo 24 ora. Probabilidadnan di awacero lo ta di 10 pa 15 mm y por ta acompaña pa lamper cu strena. Localmente awacero por ta pisa y causa algun molester.