ATA: Decision di KLM pa reduci capacidad no ta relata na demanda pa Aruba

ORANJESTAD – Den e relato di oficina di turismo di Aruba  A.T.A. riba e prome 6 luna di 2023 pa Aruba e ta duna un splicacion tambe riba e situacion di e aeroliña Hulandes KLM y su efecto pa Aruba. E ta splica e.o. tambe cu e decision di KLM pa reduci capacidad no ta relata na demanda pa Aruba. Segun ATA,  na comienso di April 2023, KLM a cambia di avión Boeing 777 pa A330 cu ta bula di Boneiro pa Aruba, cual ta reduci capacidad di asiento cu 20% pa aña 2023 y añanan binidero. “Esaki ta un decision operacional di KLM cu no ta relata na e demanda pa e mercado di Aruba” e relato ta bisa. Mester agrega, ATA ta sigui bisa, cu KLM mester a aloca avionan mas grandi pa e mercado manera Asia despues cu a habri bek. “Por bisa cu tambe a reduci capacidad pa Corsou y Boneiro, destinacionnan pa cual e conexionnan aki ta tambe hopi importante. Esaki ta un di e motibonan principal cu e mercado di Europa a experiencia un caida den bishitante den e prome 6 luna di 2023 compara cu e prome 6 luna di 2019 y prome 6 luna di 2022” e relato ta finalisa bisando. Click AKI pa e relato completo.