Van Huffelen: Aunke gabinete Rutte 4 ta demisionario, urgencia pa Aruba cumpli cu RAFT ta keda vigente!

DEN HAAG – E urgencia di gabinete Rutte 4 ta keda vigente pa Aruba cumpli cu e acuerdonan cera, no obstante e hecho cu e gabinete ta demisionario. Asina secretario di estado Hulandes Alexandra van Huffelen a bisa Noticiacla diabierna den un entrevista cortico. Esaki ta pa e acuerdo riba refinanciamento y e firmamento di e RAFT. “E urgencia ta y tabata halto caba, pasobra riba 10 oktober e deadline pa paga e debe di Corona ta vence” Van Huffelen a cuminsa na bisa. “Esey kier men cu prome cu esey, mester tin un palabracion y e maneho di e gabinete aki ta keda loke e tabata, esta cu nos ta haya cu mester bin un rijkswet tambe. Pues esey no ta cambia”.