Hollywood ta paralisa debi na welga general diabierna awor

LOS ANGELES — Hollywood, e meca di cine y teatro, ta bay ta plat awor cu miles di actornan Mericano di Hollywood ta bay welga. Diahuebs mainta ora di Hollywood, nan a vota pa bay den accion despues cu negosacionan pa miho contracto cu e studionan cinematografico a pega. Ta trata di e directiva nacional di Screen Actors Guild-American Federation of Television and Radio Artists, miho conoci como SAG-AFTRA, cu a vota unanimamente pa welga. E welga ta inicia diabierna awor. Cu esaki, e welga ta practicamente paralisa Hollywood y tur actividad pa loke ta produccion di cine y television por lo pronto. Esaki ta pone na peliger tambe e temporada di otoño (herfst) unda cu tur programa of serie di television ta cuminsa nan temporada nobo. Loke tambe ta afecta mesora ta e programanan en vivo, esta e talk shownan, mirando cu e escritornan tambe ta den welga.