Onderstand na Corsou ta subi cu 30% diabierna awor

WILLEMSTAD- Entrante mañan djabièrnè kobradónan di ònderstant ta haña un oumento di 30%. Esaki minister enkargá ku desaroyo sosial, labor i bienestar  ta informá. Señora Rutmilda Larmonie-Cecilia Minister di Desaroyo Sosial, Labor i Bienestar (SOAW), ta anunsiá ku entrante kinsena 15, ku ofisial ta habri 17 di yüli ta oumentá e normanan di ònderstant i e kompensashon di AOV(AOV toelage) ku 30%

For djabièrnè awor 14 di yüli e sèn lo ta disponibel.

E montantenan relashoná ku e oumentonan ta bira lo siguiente :

1.Pa un persona soltero ku ta risibí ònderstant di NAf 162,40 pa kinsena ta bira NAf 211,12 pa kinsena. Esaki ta suma NAf 422,24 pa luna.

2.Pa un pareha ku ta risibí ònderstant di NAf 281,10 pa kinsena ta bira NAf 365,43 pa kinsena. Esaki ta suma NAf 730,86 pa luna.

3.Pa un penshonado ku tin solamente un (1) penshun/entrada te ku penshun di behes, di Naf 130,= ta bira NAf 169,= pa luna entrante promé di ougùstùs 2023.

Tur hende ku ta kobra ònderstant lo risibí e oumento di 30%.

Pa esnan ku ainda no a bin “update” nan situashon resien, manera e lei di ònderstant ta preskribí (art. 30 insiso 1, 2 Eilandsverordening verlening bijstand Curaçao 2008), ministerio di SOAW ta urgi nan pa yama  bali di informashon di ministerio di SOAW na number 724-5333 pa traha un sita. Esaki pa evitá ku e kobradó di ònderstant lo mester paga bèk loke el a risibí di mas, ku forsa retro aktivo. (art. 29 Eilandsverordening verlening bijstand Curaçao 2008).

Minister di Desaroyo Sosial, Labor i Bienestar ta pidi tur kobradó di ònderstant pa hasi uso na un manera responsabel di e oumento ku nan ta risibí awor di Gobièrnu. NOTA: Texto ta scirbi den Papiamento fonetico di Corsou.