OE AZV satisfecho cu acuerdo di cuido recien cera

ORANJESTAD - OE AZV ta satisfecho cu eacuerdo di cuido recien cera cu varios departamento di salud. Asina AZV a sigura un siman despues cu a cera e acuerdo. A recorda cu riba diahuebs 6 di juli ultimo Minister di Turismo y Salud Publico, sen?or Dangui Oduber, y Organo Ehecutivo AZV hunto cu Horacio Oduber Groep, Instituto Medico San Nicolas, Huisartsen Vereniging Aruba, Arubaanse Specialisten Associatie, Stichting Wit Gele Kruis, Vereniging Apothekers Aruba, Respaldo y Kwaliteitsinstituut i.o a firma e “Acuerdo di Cuido” cu meta pa percura pa cuido medico na Aruba keda salvaguardia y pagabel pa futuro generacion. Un acuerdo cu a haya sosten di tur partido envolvi y cual trayecto a wordo encamina bou guia di profesor dr. Patrick Jeurissen, economista di cuido di Radboud UMC na Hulanda. Su persona a haci e estudio como tarea di parti di Minister di Turismo y Salud Publico y den colaboracion cu TWO Hulanda.

CUIDO NA ARUBA DI BON CALIDAD

Un punto cu a keda demostra ta cu e cuido medico na Aruba ta di bon calidad compara cu diferente otro pais den region. E gastonan di cuido medico no ta excesivamente halto compara cu paisnan Europeo, sin embargo Aruba mester tene cuenta si cu esaki ta bay crece den 2023 y e siguiente an?anan.

RETO Y OPORTUNIDAD

Professor dr. Patrick Jeurissen a tene diferente reunion cu tur partido y a identifica varios reto por ehempel e estilo di bida na Aruba y e malesa diabetes, e falta di personal medico cu ta pone presion riba cuido y e sobrecarga di cuido di emergencia. Na mes momento a logra identifica varios oportunidad. A yega na e puntonan colectivo pa cual kier traha p’e e siguiente an?anan y tur esaki stipula den un cuadro (plan) financiero di mas an?a.

PUNTONAN COLECTIVO

Tur partido a compromete nan mes pa awor y e siguiente an?anan traha riba mehoracion di topico manera enfoke pa pashent, trahamento hunto, seguridad pa pashent, innovacion y tecnologia, sostenibilidad, seguro medico pagabel y resiliente, ensen?anza den sector medico, etica, participacion di comunidad na interes di pashent of grupo di pashent y mas colaboracion internacional. A keda palabra cua punto ta haya prioridad prome y cua despues. E bon noticia ta cu e acuerdo di cuido ta compromete henter sector medico na e metanan colectivo cargando responsabilidad individual y colectivo.