Critico di politiconan di islanan ABC Andre Bosman a postula su mes pa liderazgo di VVD

DEN HAAG – Ex miembro di Tweede Kamer Andre Bosman, un critico fuerte di islanan ABC, a pone su mes disponibel pa bira lider di partido VVD. E mes a anuncia esaki durante e programa WNL Haagse Lobby. “E partido ta toca mi curacao y mi tin idea pa cu esaki. Pesey mi a dicidi pa postula mi mes pa liderazco di VVO” e la bisa. Medionan na Hulanda no ta kere cu e tin hopi chens, pero esaki kier men si cu mester bin un eleccion pa liderazgo di e partido, conforme statuto di e partido. E partido kier a anuncia un reemplasante pa Rutte fin di e siman aki caba. Nombernan cu ta circulando ta e.o. Dilan Yesilgöz cu ta minister demisionario di Husticia y lider di fraccion di Eerste Kamer,  Edith Schippers. 

BOSMAN Bosman tempo cu e tabata politico activo, tabata lidera e comision di Tweede Kamer pa VVD di Relacionan di Reino y tabata un critico fuerte contra e politiconan di islanan ABC, pero semper bringando pa e ciudadanonan di e islanan. Noticiacla varios biaha a entrevista Bosman y e semper tabata critica e forma con e politiconan tabata anda cu e ciudadanonan y tambe cu placa di un forma no responsabel. E tambe tabata pro pa saca e islanan di e constelacion di Reino den pasado. Awendia e ta director di comunicacion pa un compania di energia Uniper, y prome cu esey, e tabata un piloto di armada Hulandes, bulando avionan tipo F-16.